كريم سبراي ماجكيل [سكرين] Magicall Screen

حل لهيشان الشعر المصبوغ
مساء الخيرات بنوتاتي ومداماتي الحلوت بوست اليوم لكل م تعاني م هيشان وتقصف وصعوبة التعامل مع الشعر المصبوغ؛؛

  • المنتج الي ح نتكلم عليه اليوم هو سبراي كريم م ماركة اسمها سكرين ماركة ايطالية الصنع معروفه بوجودتها ف منتجات الشعر سواء صبغه او منتجات حمايه او علاجيه للشعر السبراي هذا اسمه ماجكيل يعني السحري فيه11 فائده منها يصلح الشعر التالف وينعم الشعر الخشن او الي فيه هيشان وتقصف بسبب الصبغه ويحمي الشعر م حراره الاستشوار ويحمي الشعر م الجفاف وتسكر الشعر بجد ممتاز انا نستخدم فيه ليا تقريبا شهرين وبالفعل شوفت نتيجه بحكم اني نصبغ ف الوان فاتحه لشعري ح يصيرله شوية جفاف وتقصف بس لما نستخدم المنتج هذا يخفف م التقصف ويقضي ع الجفاف يخلي ف ملمس الشعر ناعم وانسيابي وحتي مع الاستشوار م يبانش التقصف والطنطوشات؛؛
  • طريقة استخدامه بعد تغسلي شعرك تقدري تستخدميه ع الشعر المبلول وحتي بعد الاستشوار بس انا نحب نستخدمه بعد الدوش مباشرة باش نمشط شعري بسهوله ويحمي الشعر م حرارة الاستشوار يعطي لمعه ونعومه ويحافظ اكثر ع لون الشعر وم يقلب لون الصبغه ننصح بيه كل بنوته شعرها تصبغ فيه بإستمرار وحتي الي شعرها مش مصبوغ الي عندها هيشان وتقصف وينفع تستخدموه للبنوتات الصغار الي تواجهو صعوبه ف مشط شعرهم؛؛
  • سعره(95)د.ل شريته م وكيل ماركة سكرين

وبس برنسيساتي اتمني الافاده للجميع دومتم متآلقات اوووهبكم ااامووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!