شامبو السلفر(لوريال) ـ طريقة استخدامه للشعر الرمادي

مساء الخيرات بنوتاتي ومداماتي الطرفونات بوست اليوم ح نتكلم ع الشامبو السلفر بالتفصيل وطريقة استخدامه الصحيحه للشعر الرمادي؛؛

  • هلبا اسئله تجيني ياجود صبغت شعري رمادي وقعد للون اسبوع وبعدين تحول وانقلب اللون لأورنج شني السبب؟؟ وشني الحل ف الموضوع هذا؟؟ انقوللكم انا السبب الي يخلي صبغة اللون الرمادي ينزل بسرعه وينقلب اللون لأورنج؛؛
  • طبعا ف عدة اسباب اهمها انه المكان الي صبغتي فيه لون الشعر الرمادي م اشتغلولك التفتيح صح وم طلعش نظيف لان اساس الالوان الفاتحه انه التفتيح ضروري يطلع نظيف ويكون للون ابيض بدون م يكون فيه الوان مختلطه تاني سبب جذور شعرك الطبيعيه مرات بعد م ينزل اللون يقلبو لأورنج ثالث سبب عدم اهتمامك بشكل صحيح وم خديتي المنتجات الي تهتم باللون الرمادي؛؛
  • ف عدة منتجات تهتم بالشعر اللون الرمادي اهمها الشامبو السلفر م داخل لونه حبري بنفسجي متوفر ف اغلب ماركات الشعر انا جربت اغلب الماركات افضلها كانت ماركة تيتو ايطالية الصنع وبعدها لوريال نفس الي موجود ف صورة البوست؛؛
  • وظيفته الشامبو السلفر انه يثبتت للون الرمادي ويمنع ظهور للون البرتقالي المزعج وينظف لون الشعر م اي الوان متداخله معاه يعني الشامبو هذا ضروري تشريه لو صبغتي شعرك درجات الرمادي؛؛
  • طريقة استخدامه تغسلي بيه م مره لمرتين ف الاسبوع مش اكثر لان يجفف الشعر وضروري تستعملي معاه بلسم لان الشعر تنشف وتبدا واقفه ف حالة م استخدمتي معاه قناع او بلسم وديرو ف بالكم انه م ينفعش تغسلي بيه بشكل يومي لشعرك لان هو مش مسؤل ع نظافة الشعر لا هو فقط مسؤول ع تنظيف وتثبيت اللون الرمادي يعني انتي بيكون عندك شامبو متاع الاستخدام اليومي الي ح ينظف شعرك والشامبو السلفر الي مسؤول ع المحافظة للون الرمادي؛؛
  • ولما تغسلي بيه شعرك خليه يقعد شوي نقوللكم انا كيف ندير نغسل شعري الغسله الاولي بشامبو لوريال الودري بعدين نمصمصه ونحط الشامبو السلفر ونخليه م نمصمص طول نكمل الدوش متاعي واخر شي نصمص شعري باش يثبتت معاك للون؛؛
  • لان هذا الشامبو غير طريقة الرينساج الي هو قناع السلفر وح نزلكم بوست ع طريقة الرينساج باالتفصيل؛؛
  • كم سعره الشامبو تقريبا65د.ل متوفر ف اغلب محلات الميكب اشروه م مكان مضمون باش تضمنو تاخدو الاصلي؛؛
    وبس برنسيساتي اتمني الافاده للجميع دومتم متآلقات اوووهبكم ااامووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!