#الوان الشعر الفاتحه
#للون الرمادي
#للون الاشقر
مساء الخيرات بنوتاتي ومداماتي الحلوت
بوست مهم لكل واحده شعرها مصبوغ بالألوان فاتحه؛؛

• بما اني تقريبا صبغت اغلب درجات الالوان الفاتحه ف ح نفيدكم بالخطوات الي مفروض اديروها بعد م تصبغو شعركم لون فاتح م ناحية صحة الشعر او كيف تحافظي ع للون اطول فتره وم تخليه يقلب للون معاك لدرجات البرتقالي

1. 1. اول شي قبل م تفكري تصبغي الوان فاتحه اديري ف بالك انه تبي ميزانيه ع جنب باش تاخدي المنتجات الي تفيد شعرك وانه ح تقصي اطراف شعرك وقبل كل شي يكون شعرك قوي ويتحمل خطوات التفتيح غير انه تختاري المكان الي بتصبغي فيه كويس وناس تكون ثقه لان مش كل الاماكن يستخدمو ف منتجات كويسه ولا عندهم الخبره الكافيه ف تركيب الالوان الفاتحه؛؛
      
   2. تاني شي ممنوع استخدام الاقنعه والزيوت الطبيعيه للالوان المصبوغه درجات الرمادي او البلاتيني لان الزيوت الطبيعيه فيها نسبة احماض ح تأثر ع لون الشعر ويقلب للون لدرجات البرتقالي تقدري تستخدمي فقط زيت جوز الهند العضوي الطبيعي؛؛
   3. ثالث شي الشامبو والبلسم مهم جدا ف المحافظه ع لون وصحة الشعر ضروري تختاري الشامبو المناسب ل لون شعرك واكيد افضل منتجات اهتمام شعر ماركة لوريال وح نتكلم بالتفصيل ف المنتجات الي نستخدم فيها ف البوست الجاي؛؛
   4. رابع شي ضروري تستخدمي قناع مغذي ويفيد شعرك وتلتزمي بالاستمرار عليه م مره لمرتين ف الاسبوع؛؛
      
   5. خامس شي قص الاطراف وتجديد الشعر مهم جدا باش شعرك يتنفس ويقلل التقصف ويطول بطريقه صحيه مره ف الشهر ممتاز جدا لتجديد الشعر؛؛
      
   6. سادس شي هو الرينساج الي هو قناع يجدد لون الشعر الي مدايريته وظيفته ينظف لون الشعر ويجدده ويمنع اللون البرتقالي يطلع حتي هو ح نحكو فيه بالتفصيل ف البوست الجاي؛؛
      

• بالنسبه لصورة البوست فيه درجتين لون الرمادي وللون اللافندر صورتلهم فيديو مفصل بالخطوات والمنتجات المستخدمه بالتعاون مع صالون راويه تقدرو تشوفهم ع قناتي يوتيوب جودالعرب وح نحطلكم روابط الفيديوات:
  https://youtu.be/Ms7SNVtl3L8
  https://youtu.be/jHIXDuM1mqI
  وبس برنسيساتي اتمني الافاده للجميع دومتم متآلقات اوووهبكم ااامووواه..