ريفيو قلتر رود ـ انواع القلتر ـ طريقة استخدام القلتر

مساء الخيرات بنوتاتي ومداماتي الطرفونات؛؛
حبيبات قلبي بوست لمحبات القلتر والي م تعرف طريقة استخدامه اتابع البوست؛؛

  • اول شي معني ايشادو القلتر يعني ظل العيون الي يكون رش ولمعته قويه طبعاً فيه عدة انواع اهم نوعين فيه والي يستخدم بكثره ف لوكات الميكب فيه القلتر الي يبدا ناعم والقلتر الي يبدا خشن طبعاً مش كل ظل قلتر يعني كويس وينفع لان فيه الي تشوفيه رش بعدين لما تستخدميه يقلب لغبره او يبدا يشد ف جفن العين وينتهي للوك بكارثه؛؛
  • اليوم ح نتكلم قلتر ماركة رود اخر لوكاتي كلها نستخدم ف ظلال رود العادي والقلتر تقيمي ليهم روعه ف الاستخدام ومشابه لماركات غاليه منها ميكب فورايفر بس بسعر اقل وجوده عاليه؛؛
  • النوع الاول رقم (1) هو القلتر الخشن ملمسه خشن ويستخدم ف لوكات الثقيله بتكنيك معين ف ناس تتفادا فيه لان م تعرف تستخدمه بس هو بسيط وسهل القلتر الخشن ضروري تحطي تحته برايمر خاص بالقلتر الي هي رقم (4) باش يثبت معاك وم يطيحش م الجفن لان خشن مستحيل يثبت بدون لصقة القلتر الخاصه بيه م ناحية الجوده ممتاز ولونه ثابت م يتغير بعد م اثبتيه ابدا سعره جداً مناسب ننصح بيه المستخدم العادي بشكل عام والارتست والكوافيرات بشكل خاص الي يشتغلوا ع زباين وعرايس ياخدو جميع الالوان روعه شوفو سواتش الالوان متاعه صوره رقم(2)؛؛ سعره(27)د.ل
  • النوع التاني رقم (3) هو القلتر الناعم ملمسه غبره ناعم مموج 3دي يعطيك انعكاس للالوان لما تستخدميه ع عينك م يعطيك لون واحد صريح وانما يعطيك تموج ف الالوان سهل الاستخدام حتي للمبتدئيات لان تقدري تستخدميه حتي بدون برايمر للقلتر يثبت معاك الحلو فيه تقدري تستخدميه ع الجفن المتحرك ومدمع العين وحتي ك هايلايتر للوجه للناس الي تحب الهايلايتر القوي كل درجات الوان فضيعه زي م تشوفو ف صوره رقم(3)؛؛ سعره(38)د.ل
  • بالنسبه للصوره رقم (4) هو برايمر للقلتر يعني للصقه الي اثبتت القلتر الناعم والخشن انا نستخدم فيها حتي للظلال البيقمنت يقوي للون اضعاف مضاعفه الحلو ف البرايمر هذا م يجفف الجفن او يدير خطوط لان ف انواع تانيه اتفددك ف حياتك عجبني هلبا م ناحية الاستخدام والجوده عاليه غير انه يعتبر سعره جدا ممتاز لان اغلب برايمر القلتر تجي اسعارهم غاليه؛؛ سعره(27)د.ل
  • طبعا انا مدايره فيديو كامل ع قناتي يوتيوب جودالعرب شرحت ع كيف تستخدمو القلتر بالتفصيل ولو غلطو كيف تعدلوه واستخدمت فيه ماركة رود تقدرو تشوفو جودته العاليه قبل م تقررو تشرو منه هذا رابط رابط الفيديو

  • ماركة رود متوفره عند الموزع الحصري بيوتي كوين مقابل جامعة ناصر وعندهم خدمة توصيل رابط صفحتهم ع الفيس
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!