خطوات تنظيف عميق للبشره

طريقة استخدام البخار ف المنزل [ منتجات الكربون ـ بيلندا ]

مساءالخيرات بنوتاتي ومداماتي الحلوات،،
حبيبات قلبي بوست ح يفيد كل م تبي تعرف خطوات تنظيف عميق بالبخار ف البيت؛؛

 

  • اول شي ضروري تعرفو انه البخار م يستخدم ديما لان لو تستخدميه ديما ح يسببلك ترهل ف البشره فلهذا البخار يعتبر م التنظيف العميق للبشره يستخدم مره ف الشهر للبشره الجافه والعاديه ومرتين ف الشهر للبشره الدهنيه لان تفرز ف زيوت هلبا وتتعرض للحبوب؛؛
  • تاني لما تبي تستخدمي البخار بعده م تحطي ميكب او تحولي شعر الوجه بأي طريقه او تتعرضي للشمس يعني يوم بديري بخار تكوني قاعده ف البيت؛؛
  • ثالث شي مش لازم يكون عندك ماكينة بخار جاهزه تقدري تستخدمي طنجره بس تكون نظيفه مش متاع طبخ وتقدري تغلي فيها ميه وتحطي فيها عرقين نعناع او زعتر او معدنوس كله مفيد للبشره؛؛
  • بالنسبه ليا عندي ماكينة بخار زي صورة البوست نحط في عرقين نعناع ونبدا ندير ف البخار متاعي طريقتي نحط وجهي دقيقه ونحول م ع الماكينه ونرجع ونكرر العمليه لمدة 5دقايق بعدين نمسح وجهي بقطنه ونرجع مره تانيه ندير بخار بنفس الخطوات باش نضمن انه تنظفت بعمق وانفتحت المسام؛؛
  • بعدين بنستخدم القناع متاعي استخدمي قناع الكربون 3 ف1 هو قناع ومقشر وغسول م ماركة بيلندا عشقي القناع هذا رهيييييب يابنات كل م بشرتها دهنيه او متعرضه لحبوب وتفرز ف زيوت هلبا ضروري تشري منه ممممتاز تقدرو تستخدموه مره ف الاسبوع بعده ح تشوفو بنظاره رهيبه وتنظيف عميق ح تشوفو النتيجه م اول استخدام سعره جداً مناسب وح يقعد معاكم فتره طويله غير انه ماركة طبيه طبعا حطيته ع كل وجهي لمدة 15دقيقه بعدين بليت وجهي بشويه ميه وقعدت ندير ف تدليك خفيف لبشرتي بعدين غسلت وجهي كويس م القناع اخر شي استخدمت ميه بارده باش يتسكر المسام؛؛
    سعر القناع:55د.ل
  • اخر خطوه بعد اي تنظيف بشره هي الترطيب اهم الخطوات لو م رطبتو بشرتكم كأنكم م درتو شي الفتره هادي نستخدم ف كريم مرطب وطارد لسموم البشره حتي هي م كولكشن الكربون ماركة بيلندا روووووعه طبعاً تتحكم ف افراز زيوت البشره مناسبه للبشره الدهنيه والمختلطه انا نحب نستخدمها حتي تحت الميكب رووووعه؛؛
    سعر الكريم:55د.ل
  • منتجات ماركة بيلندا متوفره عند الوكيل الحصري شركة الزين بيوتي وهادي صفحتهم alzain.ly@
    https://m.facebook.com/alzainforbeautycare/ )

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!