ريفيوز كونسيلر رود ـ تكينك استخدام مصححات خافي عيوب للبشره [خافي عيوب]

مساء الخيرات بنوتاتي ومداماتي الحلوات؛؛
حبيبات قلبي ريفيوز ع خافي عيوب تغطيه ممتازه وسعره رخيص،،

  • كونسيلر(خافي عيوب) ماركة رود هي ماركة امريكيه تتميز بمختلف المنتجات والاسعار المتوسطه كونسيلر ماركة رود جربته اكثر م يوم تغطيه فل كفر يندمج بسهوله والحلو فيه م يتأكسد لونه او يخطط حتي بعد ساعات ننصح بيه كل م تعاني م هالات زي حالاتي او تصبغات ف البشره تقيمي ليه 8,5 م 10؛؛
  • فيه 10درجات الوان تنقسم بين خافي ومصحح لون طبعا انا صورتلكم الالوان الي خديتها وح نشرحلكم ع كل درجة لون ؛؛
  • رقم(1) لونه برتقالي يعني مصحح لون وظيفته تستخدميه قبل الكونسيلر او كريم الاساس علاش؟ باش م يخلي للون متاع الاساس او الكونسيلر ينقلب لرمادي ويصحح لون التصبغ او الهالات الي لونها ع بني؛؛
  • رقم(2)لونه اصفر بانانا يعتبر لون مصحح بس يستخدم ك اضاءه بعد م تستخدمي الكونسيلر رووووووعه يعطي ف اضاءه وتنوير تحت العين رهيبه؛؛
  • رقم(3)لونه بيج هذا يستخدم ك كونسيلر لونه حلو هلبا حتي يخفي الهالات بدون م يخلي للون رمادي يستخدم ل لون البشره البيضاء المتوسطه والسمراء المتوسطه؛؛
  • رقم(4)لونه فير لونه بيج فاتح جاء ع ابيض حتي هو كونسيلر ويستخدم ك اضاءه للبشره الي اندرتونها بارد يعني بيضاء ع وردي؛؛
  • سعره(22)د.ل؛؛
  • متوفر عند الموزع الحصري بيوتي كوين مقابل جامعة ناصر وعندهم خدمة توصيل رابط صفحتهم ع الفيس
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم امووواااه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!