مساءالخيرات بنوتاتي ومداماتي المزموزات؛؛
حبيبات قلبي بوست اليوم مهم ع مزيلات طبيه بسعر مناسب؛؛
خلي نقوللكم ع الفرق بين المزيلات الطبيه والمزيلات التجاريه//
المزيلات الطبيه تلقيها خاليه م الكحول والمواد المسرطنه وآمنه ع البشره وم تسبب اي مشاكل تحسسيه او امراض جلديه وديما المزيلات الطبيه تلقو سعرها اغلا م المزيلات التجاريه لان صنعت بتمعن وف مختبرات طبيه وتحت مواصفات دقيقه وطبعا الاسعار تتراوح م 20 فما فوق ع حسب الماركة والجوده؛؛
- اما بالنسبه للمزيل رقم(1) م ماركة سكرين اسمه “كلير جل” م اسمه واضح جل يعني قوامه مائي وحمايته عاليه جداً جداً جداً ممتاز للصيف وريحته خفيفه واكيد طبي بالنسبه ليا م فيه عيوب الا عيب واحد هو كميته شويه بسرعه يكمل غير هكي ممتاز جداً؛؛
•سعره شريته ب”17″د.ل بس مرات تلقوه ف العشرينات ع حسب المكان الي بتشروه منه؛؛ - اما مزيل رقم(2)م ماركة طبيه مشهوره دراي ايديا وينصحو بيه حتي دكاترة الجلديه حتي هو قوامه جل مائي لما تستخدميه دقيقتين ويجف كآنك مش حاطه شي حمايته حتي يوم كامل عاليه جداً جداً الفرق بينه وبين سكرين انه هذا اثقل شوي ف القوام وكميته هلبا هلبا يعني يقعد معاك اكثر م سكرين بالنسبه ليا م فيه عيوب الا عيب واحد وهذا يرجع لذوقي الشخصي انه فيه ريحه قويه عليا انا شخصياً م نحب المنتجات الي فيهم ريحه غير هكي ممممممتاز وننصح بيه وبقووووه خاصةً للناس الي تعرق هلبا؛؛
•سعره شريته ب”25″د.ل وانتم مرات تلقوه اغلا بس م يفوت 30 د.ل؛؛ - المكان الي شريت منه هو محل بيوتي كوين مقابل ج ناصر ديما منتجاتهم اسعارها مناسبه وطبعا ليكم حرية الاختيار ف اماكن الشراء؛؛
- علاش قلت ارخص مزيلات طبيه لان مقارنة بالماركات التانيه الطبيه مزيلاتها تبدا م50 د.ل فما فوق وطبعا عن نفسي م افضل الماركات الطبيه التانيه الي استخدمتها هي ڤيشي و آس ڤي آر”سيفر“
بس برنسيساتي اتمني الافاده للجميع دومتم متآلقات اوهبكم امووواااه
