ماكينة تنظيف البشره [ديرما برش] ـ غسولات طبيه [بيلندا]

مساءالخيرات بنوتاتي ومداماتي الحلوات؛؛
حبيبات قلبي بوست مهم ع طريقة تنظيف عميق للبشره؛؛

  • اول شي بنحكيلكم ع ماكينة تنظيف البشره م ماركة ديرما برش استعملتها اكثر م شهر وبجد حسيت بتحسن كبير ف بشرتي هي يجي معاها 4 قطع زي م تشوفو ف الصوره واحده للقدمين و واحده للجسم و واحده للوجه و واحده لتدليك اي كريم ترطيب او اساس؛؛
  • وظيفتها تنظف تنظيف عميق تحول كل ترسبات الميكب والاتربه والزيوت المتراكمه ع البشره وفي نفس الوقت فيها ميزة شد البشره لان هي تنظيف وشد حسيت بفرق كبير ف بشرتي م ناحية التقشير وتعطي نظاره وترطيب كبير للبشره خاصة انا نستعمل ف ميكب هلبا فهي ساعدتني هلبا بالتنظيف العميق م كل ترسبات الميكب،،
  • سعرها(155)د.ل
  • نستخدم فيها مره ف الاسبوع ومرات نستخدمها مع غسول او ماسك او مقشر طبعا ح نقوللكم ع افضل غسولات ومقشرات استخدمتها الفتره الاخيره م ماركة بيلندا؛؛
  • بالنسبه لرقم(1) هو قناع+مقشر الكربون القناع هذا بجد م افضل الاقنعه الجاهزه الي استخدمتها ابداااااع م ناحية تنظيف وتقشير البشره يعطي ف نظاره فضيعه مناسب للبشره الدهنيه والمختلطه والي متعرضه للحبوب وفيها زيوان الانف تقدري تستخدميه مره لمرتين ف الاسبوع ننصح بيه بقوووووه خاصة لما تستخدميه قبل مناسبتك بيوم انا نحب نستخدمه قبل التصوير؛؛
  • سعره(55)د.ل،،
  • اما رقم(2) هو غسول زيت الورد مناسب للبشره الجافه والحساسه ممتاز م ناحية ترطيب البشره وعدم تحسسها ونحب نستخدمه لما تكون بشرتي عاديه وتحتاج لتنظيف خفيف؛؛
  • سعره(55)د.ل
  • رقم(3)هو غسول+مقشر خفيف الليمون والخيار مضاد للبكتيريا ويحارب الحبوب ويخفف م زيوت البشره غير انه يعطي انتعاش فضيع للبشره وينفع استخدامه لليومي؛؛
  • سعره(30)د.ل
  • توا ح تقولو علاش تستخدمي ف انوع مختلفه م الغسولات ح نقوللكم بشرتي تنقلب مع مناخ الجو يعني مرات مختلطه مرات جافه مرات حساسه وانا نتعامل معاها ع حسب تقلبها والافضل انكم كل شهر تغيرو روتين تنظيف بشرتكم كل شهر م تخلوش المنتج يتعود ع بشرتكم لان مش ح يعطيكم النتيجه الي شوفتوها منه اول استخدام؛؛
  • منين خديت الحاجات هادي بالنسبه للماكينه خديتها م محل بيوتي كوين/اما الغسولات م وكيل ماركة بيلندا هو الزين بيوتي؛؛

توبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!