ريفيو ظلال باستيل [الميتالك]

مساءالخيرات بنوتاتي ومداماتي الحلوات؛؛
حبيبات قلبي بوست اليوم لكل م ادور ف ظلال لمعه قويه وسعر مناسب؛؛

  • باليت الظلال م ماركة باستيل الكولكشن الجديد اسمه ميتالك يعني يلمع ولمعته قويه تعتبر 3دي زي م قلتكم انه درتلكم فيديو باللوك الي ف الصوره باش تشوفو قوة الالوان الباليت هذا فيه 8 الوان كلها ميتالك لمعتها قويه وخامته بيقمنت يعني ثقيله م اول حطه ف الفرشه يبان معاك مش محتاج تحته اي بيس او مقوي لون الظل انا استخدمته بدون برايمر كريمي مع انه الاغلب الالوان الي فيها لمعه تستخدمي تحتها ظل كريمي باش يشد ويبان معاك اللون هادو ملمسهم شوي كريمي مش باودر الوان كلها قويه والباليت هذا تقدري تستخدميه كدا استخدام ك ظلال للعين مثلا او حتي اضاءه للوجه لان فيه الوان فاتحه وحتي ك ارواج ترسمي شفايفك بالقلم اللون الي تبيه وتاخدي م الايشادو طبطبي ع شفايفك يطلع معاك لون روووعه؛؛
  • هلبا يسئلوا فيا ع ظلال فيها لمعه قويه وسعرها يكون تحت 100 وجودتها وثباتها ممتاز اكيد ننصحكم ب باستيل ميتالك؛؛
  • سعره (50)د.ل
  • موجود عند محل بيوتي كوين وعندهم خدمة توصل هادي صفحتهم
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!