ريفيو اضاءة باستيل[هلوغرافيك]

مساءالخيرات بنوتاتي ومداماتي الحلوات وعيدكم مبروك،،
حبيبات قلبي ريفيوز ع هايلايتر باستيل الكولكشن الجديد الهلوغرافيك؛؛

  • طبعا خلي نوضحكم انه اللوك الي مدايراته ف الصوره اسمه هلوغرافيك يعني فني او ارتستك شوي لان فيه رسم وصورتلكم للوك هذا ف فيديو مفصل بالخطوات وتكلمت ع الكولكشن الجديد م باستيل ح ينزلكم الاسبوع الجاي ع قناتي يوتيوب جودالعرب،،
  • زي م قلتلكم اني درت لوك هلوغرافيك ع خاطر الكولكشن الاخير م ماركة باستيل فيها هايلايتر او اضاءه اسمها الهلوغرافيك الوان الاضاءه هادي غير الالوان المعتاده فيها 3درجات اخضر لؤلؤئ بنفسجي لؤلؤي و وردي لؤلؤئ الوانها جريئه وتجنن زي م تشوفو ف الصور قوة الاضاءه رهييييييبه حتي ف الظلام تقعدي تضوي ههههه طبعا ملمسه كريمي وناعم يعني م يحتاج اي بيس تحته او هايلايتر كريمي باش تقوي بيه للون هو خامته فضيعه وجودته عاليه ثباته قوي انا صورت م الصبح وقعدت بالميكب لليل قاعد زي م هو م بهتش لونه او خف او تآكسد غير انه سعره جداً مناسب لباليت فيه 3 درجات مختلفه اكيد ننصح بيه وبقوه؛؛
  • تقدرو تستعملوه بكدا طريقه ع اماكن اضاءة الوجه الي هي عظمة الخد ارنبة الانف مع العين وتقدرو تستعملوه حتي فوق الظلال لو تبي تعطيها اضاءه وتقدرو تستعملوه فوق الارواج المطفيه يقلب للون ويعطيك اضاءه للشفايف ويزيد ابرازها؛؛
  • لو تركزو ف الصوره انا ف للوك هذا مش مدايرة كونتور ومكثره م الاضاءه ع الخدود ف مبين خدودي اكثر و وجهي يبان معبي اكثر يعني الناس الي م عندها خدود وتبي تبرزها اكثر تستخدم الاضاءه ع تفاحة الخد؛؛
  • سعره (27)د.ل؛؛
  • موجود عند محل بيوتي كوين وعندهم خدمة توصل هادي صفحتهم
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!