صحه فطوركم بنوتاتي ومداماتي الحلوات؛؛
حبيبات قلبي قناع سريع ونتيجته روعه م اول استخدام؛؛
- فوائد مكونات القناع هذا هو شد البشره وتفتيحها واغلاق المسام وتخفيف زيوت البشره خاصة البشره الدهنيه والمختلطه وينعش البشره ويعطيها نظاره م اول استخدام؛؛
- المكونات ورق النعناع+ملعقه كبيره زبادي+مية ورد تخلطو المكونات مع بعض زي صوره رقم (1) بعدين تحطوهم ف ست البيت وتصفو المكونات يبدا زي العصير نفس رقم(2) وبعدين اضيفي ملعقة نشآ متوسطه وتحطوها ف مايكرويف او ع حمام ساخن لين يشد معاكم المكونات يبدا كريم تخلوه يبرد شوي وتحطو ع القناع ع وجه نظيف وهو دافئ مش بارد باش يتغلل داخل المسام كويس؛؛
- تقدرو تستخدمو القناع هذا مرتين ف الاسبوع ومناسب لآغلب انواع البشره الا الحساسه مرات تتحسس م الزبادي ولو كانت بشرتك جافه هلبا ضيفي نقطتين زيت جلسرين؛؛
- انا الخطوه الاولي نظفت وجهي بماكينة التنظيف اسمها ديرما برش اول مره نجربها اليوم وعجبتني النتيجه هلبا استخدمت معاها غسول زيت الورد م ماركة بيلندا حسيت بنظاره وبشرتي تنظفت بعمق بس خلوني نجربها اكثر باش انزلكم عليها ريفيو مفصل لان سعر الماكينه جدا مناسب يجي معاها كدا قطعه للوجه وللرجلين وللجسم؛؛
- وبعدين استخدمت القناع ع وجهي ورقبتي خليته 10 دقايق وغسلت بعدين سكرت المسام بثلجه وحطيت كريم ترطيب متاعي المهم انه بعد القناع هدا ح تشوفو نظاره وبشره مشدوده؛؛
وبس برنسيساتي اتمني الافاده للجميع دومتم متآلقات اوهبكم امووواااه..
