صحه فطوركم بنوتاتي ومداماتي الحلوات؛؛
حبيبات قلبي وصفه طبيعيه سهله ومفيده للبشره؛؛
- المكونات سهله وبسيطه هي الارز المرحي+الحليب فوائدها ممتازه لتفتيح التصبغات سواء الي بسبب الحبوب او الكلف وتعطي نظاره واشراقه م اول استخدام لان هو قناع وتقشير طبيعي لكل الخلايا الميته ف البشره ولو استمريتو عليها ح تشوفو تفتيح رهيب معروف الارز والحليب م اقوي المواد الطبيعيه لتفتيح وشد البشره؛؛
- الطريقه هي تاخدو الرز المرحي ولو م عندك مرحي خودي العادي تحطي منه 2ملعقه متوسطه في بكرج قهوه وصبي عليه الحليب لين يتغطا واقعدي حركي ع نار هاديه لين يخثر معاك ويولي قوامه كريمي،،
- بعدين لو كنتي حطيتي رز مش مطحون معناها ترحيه ف ست البيت لين يولي معاك ناعم اما لو حطيتي رز مطحون معناها استخدميه ع طول تكون بشرتك نظيفه وحطي الكريم هو دافئ مش بارد باش يتغلل داخل المسام كويس تحطيه ع كل وجهك وع رقبتك ولو بتستخدمي منه لإيدك عادي ممتاز لتفتيح والترطيب والنتيجه ح تشوفيها م اول استخدام؛؛
- لو كانت بشرتك دهنيه بدل الحليب ديري مية الورد؛؛
- تخليه ع وجهك م10/20 دقيقه بعد م يجف اقعدي افكري بحركة دائريه خفيفه ع وجهك ورقبته وحتي لإيدك ؛؛
- تقدري تستخدميه م مره لمرتين ف الاسبوع للوجه كحد اقصي لان تقشيره عميق ومفعوله رهييييب للبشره اما لليدين تقدري تستخدميه حتي 3مرات ف الاسبوع؛؛
- ف حالة فضل كميه م القناع تقدري تحتفظي بيه ف حافظه وتحطيه ف ثلاجه بس م يتخزن اكثر م اسبوع؛؛
وبس برنسيساتي اتمني الافاده للجميع دومتم متآلقات اوهبكم امووواااه..
