صحه فطوركم بنوتاتي ومداماتي الحلوات؛؛
حبيبات قلبي لكل م تعاني حبوب ومسام وبشره دهنيه ضروري اتابع الريفيو؛؛
- طبعا زي م عارفين خديت باكدج كامل م شركة الزين بيوتي منتجات م ماركة بيلندا تهتم بالبشره واستعملت الفتره الي فاتت كولكشن الفحم النشط تقريبا ليا شهر نستخدم فيه يعني نقدر نكتبلكم ريفيو مفصل؛؛
- ماركة بيلندا بولندية الصنع وتركيبتها طبيه بنسبة 95% يعني م في اي خوف منها تقيمي ليها ك ماركة لان عندها تنوع رهيب ف منتجات البشره تاخد 9.5 م 10؛؛
- اول منتج ح نتكلم عليه هو الغسول رقم(1) غسول الفحم النشط ينظف البشره بعمق ويتحكم بشكل كبير ف افرازات زيوت البشره ويقلل م المسام غير انه ينظف الميكب بشكل كبير هذا الغسول يستخدم يومياً مناسب جدا للبشره الدهنيه والمختلطه بصراحه عن تجربتي ليه بالفعل فضيع لان بشرتي مختلطه ف تحكم ف زيوت بشرتي بشكل كبير غير انه بعد م نمسح الميكب ونغسل بيه نحس ب انتعاش وتنظيف عميق وريحته فضيعه غير انه طبي خالي م المواد المضره للبشره فلهذا ياخد معاي نقطه اضافيه م ناحية الجوده والنتيجه والكميه تعتبر العلبه حجمها كويس وتسدك حتي 3شهور سعره(55) دينار ليبي؛؛
- تاني منتج ماسك رقم(2) هو عباره عن ماسك ومقشر وغسول 3ف واحد طبعا بدا عندي م المنتجات المفضله وبقووووووه نتيجته رهيبه م اول استخدام تشوفي نظاره وتنظيف عميق لبشرتك يعني لو بشترو منه اشروه ع ضمانتي الشخصيه طبعا جربته انا ف فيديو ومتابعاتي شافو نتيجته قبل وبعد ع ستوري انبهرو بالنتيجه نظاره وتنقيه وشد للبشره هو اصلا مكتوب عليه طارد للسموم وينظف بعمق خاصة الناس الي تستخدم ف ميكب هلبا هذا مفيد ليكم وبقووووه كل الترسبات يحولها وزوان الانف يجمعه وينظفه بعمق يقلل م المسام ننصح كل م بشرتها دهنيه او متعرضه للحبوب وعندها مسام وزوان الانف م ضيع فلوسها ع اي منتج تاني وتاخد م هذا وتجربه وبعدها تعلقلي ف البوست متآكده ح يعجبها وتشوف نتيجته م اول استخدام لان زي م تعرفوني انا قليل جدا نستخدم مقشرات او ماسكات جاهزه لان الاغلب نستخدم ف اقنعه ومقشرات طبيعيه وميزته انك تحطيه ع الوجه تخليه 10/15 دقيقه ك ماسك لين يجف وتشوفي كيف يجمع ف الاوساخ وبعدين تبلي وجهك وتبدي اديري في تقشير لوجهك لان فيه حبيبات مقشره للبشره وتقدري تستخدمي مرتين ف الاسبوع لان تنظيفه عميق جداً فلهذا اعجبني هلبا م ناحية الجوده والنتيجه والعبوه حجمها ممتاز سعره(55)د.ل؛؛
- ثالث منتج السيرم رقم(3) حتي هو سيرم الفحم النشط فيه حبيبات صغيره م الفحم الكربوني ممتاز لنظاره يعني انا نستخدم فيه قبل النوم لما انوض الصبح نشوف ف نظاره رهيبه وبشرتي نحسها مشدوده ومشرقه طبعا هو طارد للسموم ويقلل م المسام ويحارب الحبوب والتصبغات واكيد ننصح بيه اصحاب البشره الدهنيه والي فيها مسام ومتعرضه للحبوب بجد فلوسك مش ح تخسريهم سعره(75)د.ل؛؛
- منتجات ماركة بيلندا متوفره عند الوكيل الحصري شركة الزين بيوتي وهادي صفحتهم alzain.ly@
( https://m.facebook.com/alzainforbeautycare/ )
وبس برنسيساتي اتمني الافاده للجميع دومتم متآلقات اوهبكم امووواااه..
