روتين الاهتمام بالبشره [شهر رمضان]

كل سنه وانتم طيبين وبصحه وسلامه ع الجميع

مساءالخيرات بنوتاتي ومداماتي الطرفونات؛؛
حبيبات قلبي بوست اليوم مهم جدا للاهتمام بالبشره ف رمضان؛؛

  • بما انه ف رمضان ح تتعرضي لحراره هلبا بسبب المطبخ والكوشه ف ضروري تهتمي بترطيب وانتعاش بشرتك هو تستخدمي مية الورد ممتازه لنظاره وانتعاش البشره الطريقه سهله وبسيطه تاخدي شويه م مية الورد وتحطيها ف شيشه بخاخ وخليها ف الثلاجه كل م تحسي وجهك فيه حراره هلبا استخدميها ويفضل للبشره الدهنيه والمختطله هو مغلي الشاهي الاخضر حتي هو تحطيه ف شيشة بخاخ وتخليه ف الثلاجه ممتازه للنظارة وتحكم ف زيوت البشره؛؛
  • تاني شي مهم جدا تاخدو كريمة الحرق هادي بيافين متوفره ف الصيدليات مرات تنحرقي م الكوشه او ينطر عليك زيت ع طول تحطي منها مكان الحرق م يخلي اثر عندك؛؛
  • ثالث شي افضل الماسكات الي تحافظ ع نظارة البشره بالنسبه للبشره الدهنيه والمختلطه ماسك مية الورد مع النشآ ممتاز جدا تقدري تستخدميه م مره لمرتين ف الاسبوع،،
    اما بالنسبه للبشره الجافه والعاديه ماسك حليب البودره مع مية الورد رهيب ف نظارة وتنعيم البشره وتقدرو تستخدموه م مره لمرتين ف الاسبوع؛؛
  • رابع شي التقشير مهم جدا يحول كل الخلايا الميته ويجددها اسهل وافضل تقشير هو القهوه تقدرو تاخدو حتالة القهوه او تاخدو كاشيك صغير م قهوه وسكر زيت وتستخدموه بحركه دائريه ع الوجه تستخدموه فقط مره ف الاسبوع؛؛
  • روتين سهل وغير مكلف وتقدرو اديروه وفي نفس الوقت ممتاز للبشره يعني م غير بخل انتي وياها؛؛

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!