الاهتمام بنظافة الفم والاسنان [ وصفه لتبيض الاسنان ]

مساء الخيرات بنوتاتي ومداماتي الطرفونات؛؛
حبيبات قلبي بوست مهم للعنايه بنظافة الفم والاسنان؛؛

  • اول شي لو عندك مشاكل ف الاسنان وللثه ضروري تمشي لدكتور اسنان كويس وم تهملي الموضوع ولو عندك ريحه قويه ف الفم ضروري تتآكدي م سلامة للثه والمعده عندك لان الريحه القويه مرات سببها مرض عضوي فلهذا ضروري تركزي ع النقطه هادي؛؛
  • م الاهتمامات الطبيعيه الي نحب نستخدمها لنظافة الفم وصحة الاسنان هو تستخدمو الزعتر تغلوه شويه ع النار وتمضمضو بيه نفس الشي القرنفل حتي هو تغلوه ع النار وتمضمضو بيه وحتي الميه الدافيه مع الملح ممتاز لنظافة الفم ويحول الريحه الكريهه والالتهابات حاولو اديرو واحد م المضمضه هادي مره ف اليوم؛؛
  • بالنسبه للمنتجات العنايه بالاسنان حاولو تاخدو الطبيه انا نستخدم ف معجون التبيض اسمه“vitis” متوفر ف اغلب الصيدليات وحتي خيط الاسنان م نفس الماركه ونستخدم ف المضمضه بالنعناع م ماركة“listerine” ممتازه طبعا تغسلي سنونك م مرتين ل3 مرات ف اليوم مهم جداً انك تحافظي ع غسل الاسنان وخيط الاسنان ضروري تعرفي تستخدميه كويس لان يحول كل بقايا وترسبات الاكل تحت الاسنان والمضمضه مره ف اليوم كويس؛؛
  • اما الوصفه الي نحب نستخدمها لتبيض ولمعة الاسنان وتشوفي فرق م اول استخدام هما حبوب الكربون متوفر ف للصيدليات تاخدي حبه تطحنيها كويس بعدين اضيفلها شوية م معجونك ومضمضة الفم لو م عندك مش لازم وتخلطي المكونات مع بعض يبدا عندك معجون الكربون او الفحم وتفرشو بيه اسنانكم لمدة5 دقايق وبعدين تغسلو عادي وتشوفو نتيجه رهيبه انا نحب نستخدمها قبل التصوير طبعا فيه معجون الفحم جاهز لو تبي تشريه بس عادي تقدري اديريه بروحك م فيش فرق تقدري تستخدميها م مرتين ل3مرات ف الاسبوع م فيها اي ضرر ع الاسنان؛؛
  • ملاحظه مهمه خودو فرشة اسنان ناعمه مش حرشه لان ف الي تاخد فرشه حرشه ع اساس تنظف كويس وهي العكس تماما تخدش السنون واضر باللثه ولما تفرشو سنونكم بالشويه عليكم م تنزلو بالهلبا واكيد م تهملوا الاسنان الخلفيه لان في الي تغسل ف السنون م قدام وتنسا ف الضروس الخلفيات؛؛

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!