مساء الخيرات بنوتاتي ومداماتي الطرفونات؛؛
حبيبات قلبي بوست سريع ع طريقة تحضير جل بذور الكتان؛؛
- اول شي نبي نفهمكم انه بذور الكتان ينباع ف العطريات ومش نفس حب الرشاد كل نوع بروحه؛؛
- بالنسبه لفوائد جل بذور الكتان هلبا منها علاج تساقط الشعر والتقصف وتشوفو النتيجه م اول استخدام غير انه يصفي البشره ويعالج الحبوب ويعطيك نظاره م اول استخدام ولو تستمرو عليه ح تشوفو نتيجه رهيبه؛؛
- طريقة التحضير هي تاخدي بذور الكتان الكميه الي تبيها انا خديت كميه كبيره ب5دينار وبعدين حطيته ف طنجره وصبيت عليه ميه لين تغطا وخليته يغلي ع نار هاديه اول م خثر وطلع الجل امتاعه طفيت طول م تخلوشي هلبا ع النار باش تقدر تصفيه بعدين خديت غربال وقعدت نصب ف بذور الكتان ف الصفاي ونحرك فيه ب ايدي لين نزل الجل زي م تشوفو ف صورة البوست بعدين حطيته ف فازو انظيف وتحتفظوا بيه ف الثلاجه؛؛
- تقدري تستخدميه لشعرك يوميا قبل الدوش او بعده عادي م تخافيش منه لا يزيت ولا فيه ريحه هو جل قوامه زي الميه اما للبشره حتي هو تقدري تستخدميه يومياً لو تعاني م مشاكل ف بشرتك اما لو بشرتك عاديه تقدري تستخدميه مرتين ف الاسبوع كويس؛؛
وبس برنسيساتي اتمني الافاده للجميع دومتم متآلقات اوهبكم امووواااه..
