مساء الخيرات بنوتاتي ومداماتي الطرفونات؛؛
حبيبات قلبي بوست خفيفون ع قناع سريع وسهل ومفيد للبشره؛؛
- فائدة القناع هذا ينظف البشره تنظيف عميق ويصغر المسام ويشد ويفتح البشره غير انه يعطيها نظاره رهيبه وتشوفيها بعد استخدام القناع مباشرة؛؛
- المكونات 4/3قطع فراوله +نشآ تهرسي الفراوله كويس كويس ولو تبي ترحيها ف الخلاط تمام بعدين اضفي عليها 3كواشيك=ملعقه صغار لين يشد معاك الماسك وتحسيه بدا خاثر زي العجينه بعدين تحطيه ع بشره نظيفه كل وجهك ورقبتك م تنسيهاش وخليه لمدة15/20 دقيقه بعدين اغسلي وجهك بغسولك المعتاد واكيد م تنسي الترطيب؛؛
- تقدري تستخدمي الماسك هذا مرتين ف الاسبوع ممتاز جداً للبشره الدهنيه والمختلطه والي فيها مسام والي متعرضه للحبوب والتصبغات لان الفراوله فيها فيتامين سي عالي ونشآ معروف ف تفتيح التصبغات وتصغير المسام لو تشديها شهر بس ح تشوفي فرق رهيب ف بشرتك؛؛
- ملاحظة لو بشرتك حساسه او جافه م تستخدمي الماسك هذا لان الفراوله م الفواكه الحمضيه يعني انتم تقدرو اديرو نشآ مع مية الورد كويس ليكم؛؛
وبس برنسيساتي اتمني الافاده للجميع دومتم متآلقات اوهبكم امووواااه..
