طريقة تنظيف عميق للبشره

قناع لتنظيف تقليل المسام

صباحكم جميل بنوتاتي ومداماتي الحلوات؛؛
حبيبات قلبي بوست ع طريقة تنظيف عميق للبشره؛؛

  • اول خطوه هي تنظيف بالبخار ممتاز جداً للتنظيف العميق للبشره وفتح المسام ويحول ترسبات طبقات المكياج والزيوت والاتربه المتراكمه ع البشره تقدرو اديروه بكدا حاجه مثلاً ورق النعناع او الاكليل او الزعتر او شيش الورد هذا كله ممتاز للبشره انا اليوم استخدمت فيه شرائح لليمون مفيد جداً لتنظيف المسام والبشره وفي نفس الوقت يعطيها انتعاش بس في حالتك بشرتك حساسه استغني ع لليمون واستخدمي شيش الورد او ورد طبيعي ممتاز ليك؛؛
  • في حالة م عندك ماكينة بخار تقدري تستخدمي طنجره بس تكون نظيفه مش للاكل تعبيها ميه وتعطي فيها مكوناتك وبعدين تغطي راسك بفوطه واقعدي طبسي ع طنجره شويه وقيمي راسك خليك ع الحركه هادي لمدة5 دقايق لين وجهك يعرق وينفتح المسام وتحسي وجهك استفاد م البخار؛؛
  • بعدين امسحي كل الي طلع م وجهك بقطنه نظيفه بدون م تغسلي وجهك بالميه؛؛
  • تنظيف البخار يستخدم للبشره الدهنيه مرتين ف الشهر اما للبشره العاديه والجافه والحساسه مره واحده ف الشهر؛؛
  • بعدين تقدري تستخدمي القناع الي ترتاحي عليه ويناسب بشرتك انا اليوم استخدمت قناع منظف عميق للبشره وللمسام ويقلل م افراز الزيوت المضره للبشره مكوناته حبوب الكربون متوفرات ف الصيدليه+ الطين الهندي+مية الورد خديت 3حبوب كربون طحنتهم بعدين خديت ملعقه صغيره طين هندي بعدين صبيت مية الورد وخلطت المكونات كلها لين ولت معاي زي العجينه نفس صورة البوست وبعدين حطيت منه ع وجهي ورقبتي القناع هذا ممتاز جداً للبشره الدهنيه والمختلطه والي متعرضه للحبوب والي تعاني م حب الشباب وينظف البشره م ترسبات المكياج تقدرو تستخدموه مره ف الاسبوع؛؛
  • اخر خطوه هي تسكري المسام بثلجه تمرريها ع وجهك كله انا ح نستخدم الآيس رول وبعدين ح نرطب بفيتامين سي م ماركة كريستان لي وانتم تقدرو تستخدمو اي مرطب ترتاحو عليه؛؛

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!