مساء الخيرات بنوتاتي ومداماتي المزموزات؛؛
حبيبات قلبي لكل م تبي جل او تاتو حواجب قوي اتابع البوست؛؛
- نبي نحكيلكم تجربتي مع جل او تاتو حواجب ماركة فورايفر52 م ناحية قوة اللون رووووعه قوي جداً م ناحية الثبات فضييييع وم ناحية السعر يعتبر رخيص لان عبوته حجمها كبير وتقعد معاك فتره طويله ننصح بيه المستخدم العادي وحتي المزينات لان يشتغلوا ع زباين ف ح يفيدهم هلبا مش شوي؛؛
- طبعا انا تقريبا مجربه اغلب جل الحواجب م الماركات الغاليه منهم ماك انستازيا ميكب فورايفر وانقلوت وغيره م الماركات هما حلوات بس م كانوا يعطوا فيا النتيجه الي نبيها لان انا عندي مشكله ف حواجبي نخفي ف تاتو قديم ونرسم فيهم م اول وجديد جل الحواجب الوحيد الي ساعدني نقدر نرسم حواجبي شعره شعره فوق الخافي الي نستخدم فيه هو هذا فورايفر52 لان لونه بيقمنت وقوي جداً وفيه كدا درجة لون انا خديت بني متوسط وانتم خودو درجة للون المناسبه ليكم لكن ابتعدو تماماً ع الاسود
- سعره (35) دينار ليبي تلقوه متوفر ف محلات جمله المكياج باب غشير انا خديته تحديداً م محل اسمه اليمامه؛؛
وبس برنسيساتي اتمني الافاده للجميع دومتم متآلقات اوهبكم امووواااه..
