مساءالخيرات بنوتاتي ومداماتي الحلوات؛؛
حبيبات قلبي بوست ع طريقة سهله لغسول طبيعي منزلي؛؛
- المكونات صابون كركم+صابون العكر الفاسي
=دم الغزال+قشور برتقال مبشوره+زيت لليمون كل المكونات المذكوره موجوده ف العطريه؛؛ - الطريقه تاخدي نص صابون كركم وربع صابون دم الغزال تبشريهم كويس بعدين تصبي عليه طاسه متوسطه ميه سخونه وبعدين اذوبيه ع نار ف حمام مائي زي م ادوبي الشكلاطه بعدين اضيفي قشور البرتقال المبشوره واضيفي ملعقه كبيره زيت لليمون وتخلطي كويس كويس المكونات لو جمد معاك زيديه شوية ميه سخونه لين ادوب كل المكونات وبعدين تحتفظي بيه ف علبة نظيفه؛؛
- صابون الكركم ممتاز لاشراقة البشره ومحاربة الحبوب وتفتيح التصبغات اما صابون العكر الفاسي هو يشد البشره ويوردها اما قشور البرتقال فيتامين سي وممتاز للتفتيح ومحاربة الحبوب وحتي زيت لليمون ممتاز لتفتيح البشره؛؛
- الغسول هذا ممتاز للبشره الدهنيه والمختلطه والي متعرضه للحبوب والتصبغات وتقدرو تستخدمو مرتين ف اليوم مره الصبح ومره ف لليل؛؛
- اما البشره الجافه والحساسه تقدرو تاخدو صابون طبي م الصيدليه وتستخدمو بنفس الطريقه وبدل اضافة زيت لليمون اضيفو اما زيت الجلسرين او الورد وتستخدموه مره واحده ف اليوم؛؛
وبس برنسيساتي اتمني الافاده للجميع دومتم متآلقات اوهبكم امووواااه..
