ريفيو هايلايتر باستيل

مساء الخيرات بنوتاتي ومداماتي الطرفونات،،
حبيبات قلبي ريفيو خفيفون ع الهايلايتر السائل م باستيل،،

  • لكود هايلايتر م ماركة باستيل الفتره الاخيره كلها نستخدم فيه وبصراحه معاش استغنيت عليه والحلو فيه انه تقدري تستخدمي بكدا استخدام لمعته حلوه ع الاخر تعطي للوجه اشراقه واضاءه صحيه والاحلا سعره الرخيص غير انه فيه درجتين ذهبي و وردي يعني الي بشرتها سمراء تاخد الذهبي والي بيضاء تاخد الوردي بس مش قاعده اكيد انا عن نفسي واخده الدرجتين وبصراحه مش خساره فيهم؛؛
  • بالنسبه لطريقة الاستخدام اكيد متابعيني م زمان عارفين اني اعشق الهايلايتر وبكثره عندي الاساس ف الميكب يعني لو نبي بشرتي تلمع هلبا وخاصةً ف التصوير يطلع حلو نستخدمه اول شي مع كريم الترطيب ع كل وجهي وبعد م نحط كريم الاساس متاعي نحط منه شويه ع خدود والانف وبعدين نكمل باقي خطوات مكياجي عادي ف حالة تبي تقوي الاضاءه اكثر تستخدمي فوقه هايلايتر او اضاءه تكون باودر بالطريقه هادي مستحيل تخف الاضاءه متاعك مهما طال الوقت اما لو تبي فقط نظاره واشراقه طبيعيه وحتي ف النهار تقدري تستخدميه تاخدي شويه منه توزعي ع كل الوجه وتستخدمي معاه كريمة الترطيب النهاري تعطيك لمعه فظيعه وصحيه وفي حالة نبي الاضاءه تحت عيني واضحه خاصة للتصوير نحط منه شويه تحت العين وبعدين نحط خافي العيوب متاعي ونكمل باقي خطوات مكياجي بصراحه ننصحكم بيه هلبا مش شوي واي بنوته سئلتني ع الهايلايتر متاعي بنقوللها خودي للكود هايلايتر م باستيل؛؛
  • سعره17دينار ليبي؛؛
  • متوفر ف محل الموزع للماركة بيوتي كوين وهادي صفحتهم
    https://www.facebook.com/beautyqueenmakeup.ly/

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!