مساءالخيرات بنوتاتي ومداماتي المزموزات؛؛
حبيبات قلبي بوست اليوم ع طريقة سهله لغسول سائل لليدين وح نضيفله مواد طبيعيه لتفتيح؛؛
- المكونات هي صابون قالب اي نوع متوفر عندك ويكون عندك مبشره م تستخدميش فيها للاكل وشيشه امتاع بخاخ فاضيه؛؛
- الطريقه تاخدي الصابون تبشريه نفس صوره رقم”3” وضروري تحطيها ف صونيه المانيوم لان البلاستك ح يتفاعل بعدين اضيفي للصابون المبشور 4طواسي ميه سخونه تغلي وبعدين تحركيه لين يذوب معاك نفس صورة رقم”5″تخليه بميته 3/4 ساعات بعدين ح يجمد معاك الصابون تزيديه طاسه ونص تانيه ميه سخونه تغلي لين يولي معاك قوامه سايل ويذوب؛؛
- بعدين ع راحتك تبي اضيفي اي ريحه اي نكهه عادي؛؛
- بس انا ضفت مطحون قشور لليمون مبشوره+عصير ليمون لان فيتامين سي ويفتح البشره ويشدها ويقتل الجراثيم خلال شهر ح تشوفو فرق في ايديكم م ناحية التفتيح والشد؛؛
- واكيد م تنسوش ترطبو يديكم يوميا قبل النوم خاصةً توا ف الشتاء يزيد الجفاف انا نرطب بكريم اليدين م كرستان لي او ب زيت جوزالهند وانتم تقدرو تستخدمو اي مرطب متوفر عندكم؛؛
وبس برنسيساتي اتمني الافاده للجميع دومتم متآلقات اوهبكم امووواااه..
