يومكم جميل بنوتاتي ومداماتي الحلوات؛؛
حبيبات قلبي بوست اليوم ح يفيد محبات العدسات هلبا؛؛
- اول شي ضروري تعرفي صلاحية العدسات في الي شهريه تكون م 3/6شهور او سنويه هي تكون مدة صلاحيتها سنه بس التنظيف المستمر للعدسه ضروري منه باش م تسببلك تحسس او اضر عينك واكيد ع حسب لبسك للعدسه لون كان تلبسي ف نفس نوع العدسه بشكل يومي معناها بتنظفيها بشكل اسبوعي هو تغسلي الحافظه وتغيري الميه امتاعها اما اذا كان لبسك لنفس نوع العدسه مش ديما ف تنظيفها مره ف الشهر كويس انك تغسلي الحافظه وتغيري الميه؛؛
- بالنسبه لطريقتي ف تنظيف العدسات ناخد ف صونيه وندير فيها ميه معدنيه وشوية ملح ك تعقيم ونحط فيها العدسات الي نبي نظفهم بعدين ناخد حافظات العدسات نغسلهم بميه سخونه وصابون وبعدين نصمصهم بغسول العدسات بعدين نعبي كل حافظه بغسول العدسات ونرجع كل عدسه ف حافظتها بعد غسلها نستعمل ف الطريقه هادي ع حسب لبسي للعدسه زي م قلتلكم ف الاول؛؛
- بالنسبه لغسول العدسات الي نستعمل فيه م ماركة رينيو متوفر ف الصيدليات ومحلات التجميل؛؛
- لو بتسئلوني ع افضل نوع عدسات جربتهم بالنسبه ليا م ناحية راحة العين والوان اولهم ماركة رينبو وبعدين ماركة فكتوريا وبعدها ماركة لورانس وبعدها ماركة لازورد وفي ماركات عندي مازال م جربتها لما نجربها توا انقوللكم عليها؛؛
وبس برنسيساتي اتمني الافاده للجميع دومتم متآلقات اوهبكم امووواااه.
