مساءالخيرات بنوتاتي ومداماتي الحلوات؛؛
حبيبات قلبي بوست اليوم ع كل م شعرها مصبوغ ومتقصف بسبب التفتيح؛؛
- شامبو+بلسم لوريال السڤيڤ الي لونه احمر نفس صورة البوست الشامبو هذا ننصح بيه جداً جداً جداً جداً لكل واحده شعرها مصبوغ ومتعرض لتفتيح بشكل كبير وصايرله تقصف وجفاف بجد يابنات م تعرفوش قداش فرق معاي هلبا بعد م استمريت ع استخدامه الفتره الاخيره بالفعل يعطي نعومه ولمعان ويحافظ ع لون صبغتك غير انه يقلل م التقصف والجفاف بشكل كبير اي واحده تبي شامبو وبلسم للشعر المصبوغ ننصحها ب لوريال السڤيف الاحمر وبقوة لان نتيجته ح تشوفيها م اول استخدام طبعا انا نستخدم فيه مرتين ف الاسبوع البلسم امتاعه ابداااع يخلي الشعر فيه لمعه وناااعم وحتي لو م تبيش تستشوري شعرك م يفرق لان يعطيك نعومه فضيعه ويقلل م تقصف الي يسببه التفتيح والصبغات انا واخداته م فتره سعره لقيته حوالي 15 دينار الشامبو و15البلسم واكيد تلقوه متوفر ف اغلب الصيدليات او الاسواق؛؛
ملاحظه صغيرونه حاولي اديري كبسولتين فيتامين eف الشامبو والبلسم امتاعك وخلطيهم كويس هلبا للشعر انا ديما ندير فيها الحركه هادي لشعري؛؛
وبس برنسيساتي اتمني الافاده للجميع دومتم متآلقات اوهبكم امووواااه..
