اهتمام اليدين فصل الشتاء

مساءالخيرات بنوتاتي ومداماتي الحلوات؛؛
حبيبات قلبي بوست خفيفون ع روتين سهل جداً للاهتمام باليدين ف الشتاء؛؛

  • زي م عارفين انه الجسم والبشره محتاجه اهتمام بزياده ف الشتاء لان الجسم ينقص منه السوائل بشكل كبير فلهذا بشرتك تتعرض للجفاف في الشتاء اكثر م الصيف يعني اول نصيحه نقولهالك هي تكثري م شرب الميه بزياده بجانب الترطيب المستمر لبشرتك ضروري تهتمي بالنقطه هادي؛؛
  • اما بوست اليوم هو ح نقوللكم ع اسهل روتين تتبعيه في الشتاء للاهتمام ب يديك يعني مش ح نخليكم سبله اكيد بعدم الاهتمام؛؛
  • اول مرحله هي التقشير ضروري منه لو تبي يديك بيضاء بدون تصبغات وقشور وناعمه تلتزمي بتقشيرهم 3مرات ف الاسبوع اسهل مقشر طبيعي ونتيجته ممتازه م ناحية التبيض والنعومه هو سكر+ليمون تاخدي نص ليمه وتغطسيها ف السكر وبعدين تدلكي بيها يديك بحركه دائريه خفيفه لمدة 5/10 دقايق وبعدين اغسلي يديك كويس
    ,,•°تقدري تستخدميه بالنسبه لليدين 3مرات ف الاسبوع؛؛
  • تاني مرحله هي الترطيب مهم جداً جداً جداً انك ترطيب يديك ورجليك يومياً قبل النوم حاولي تلتزمي وم تبخليش وم تخليش حاجه تلهيك خلي مرطبك جنب سريرك وقبل النوم رطبي بيه انا عن نفسي م افضل كريمات ترطيب لليدين استخدمتهم هي م كرستان لي الموجوده ف صورة البوست بس انتم لو مش متوفره عندكم تقدرو تستخدمو اي مرطب متوفر عندكم حتي فازلين تآدي الغرض بس يكون استخدامها ف لليل فقط؛؛
  • حاولت نفيدكم ع اسهل روتين اهتمام ونتيجه ممتازه لو شجعتوني بآعجاباتكم ح نديرلكم روتين اهتمام بالوجه في الشتاء؛؛

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!