مساءالخيرات بنوتاتي ومداماتي الطرفونات؛؛
حبيبات قلبي بوست ع ماسك وتقشير طبيعي لتفتيح البشره؛؛
- المكونات سهله وبسيطه ولو مش متوفره كلها عندك تقدري تنقصي منها المكون الرئيسي هو القهوه سواء كانت عربيه او نسكافيه عادي طبعا كل المكونات ممتازه لتفتيح البشره لانها مضاده للاكسد وفيها فيتامين سي المفيد لتبيض البشره وشدها ومحاربة التجاعيد وحب الشباب فلهذا حاولو تستفيدو م المكونات قدر الامكان وتقدرو تستخدمو كل مكون بروحه عادي؛؛
- التقشير او الماسك يتكون م قهوه+ مطحون الشاهي الاخضر+ مطحون قشور البرتقال+ مية الورد المقدار كاشيك=ملعقه صغيره م كل مكون ف حالة تبي تستخدميه حتي لجسمك تزيدي المقدار تخليه كاشيك كبير م كل مكون تخلطي كل المكونات مع بعض واضيفلهم مية ورد لين يبدا معاك قوام وسط تقدري تفرديه ع وجهك؛؛
- طريقة الاستخدام طبعا ضروري يكون وجهك مغسول نظيف وبعدين تحطي م التقشير ع وجهك وتدلكي بحركه دائريه خفيفه ع وجهك تخليه 10/15 دقيقه بعدين تغسلي وجهك بغسولك المعتاد واكيد م تنسيش ترطبي وجهك بآي مرطب متوفر عندك؛؛
- تقدري تستعمليه م مره لمرتين ف الاسبوع وطبعا النتيجه تشوفيها م اول استخدام نظاره رهيبه ف وجهك انا امس استخدمته لان اليوم عندي تصوير كان وجهي رايق ومشرق ضروري تجربوه وتعطوني رايكم؛؛
وبس برنسيساتي اتمني الافاده للجميع دومتم متآلقات اوهبكم امووواااه..
