مساءالخيرات بنوتاتي ومدامات المزموزات؛؛
حبيبات قلبي بوست خفيفون ع القلوسات المات م ماركة نوت؛؛
- طبعا صورتلكم صوره وانا حطاته باش يوضح عندكم اللون وكثافته القلوسات المطفيه هادي ميزتها انها مطفيه وثابته بس قوامها موسي او مخملي يعني يقعد ثابت بس م يسبب قشور او جفاف للشفايف لان ف نوع م القلوسات المطفيه لما تجف ادير طبقه وتسبب قشور بس هذا نوعه مخملي والتاكستر او ملمسه كريمي وبيقمنت هلبا للون كثيف م اول طبقه يوضح معاك وحتي تعديله سهل لان م ينشف او يجف بعدين يبدا تعديله صعب جداً ننصح بيه الي شفايفها تعاني م القشور والجفاف او الي تعاني م الخط الفاصل ف الشفايف هلبا ننصحها بيه وفي درجات الوان تجنن م الهادئ للغامق؛؛
- الدرجه الي خديتها انا رقمها “407” للون احمر صريح ينفع استخدامه مع للوكات الثقيله والخفيفه طبعا يرجع لذوقكم الشخصي؛؛
•°سعره30دينار - متوفر ف محل الوكيل للماركة بن عاشور جرابه جنب مطعم شوايا وهادي صفحتهم
( https://www.facebook.com/neemakeuplibya/)
وبس برينسيساتي أتمنى الإفادة للجميع .. أموووواه
