مساءالخيرات بنوتاتي ومداماتي الحلوات،،
حبيبات قلبي ريفيو ع منتجات م ماركة جديده اسمها نوت؛؛
- ماركة النوت هي ماركة صناعه تركيه والميزه ف الماركه هادي انه منتجاتهم مكوناتها ع الاغلب طبيه او طبيعيه وقليلة الكحول والبربارين وعندهم خط كولكشن كامل م الميكب المعدني يعني الطبي الناس الي تتحسس م منتجات الكيميائيه للميكب تناسبها البراند هادي لان الكولكشن المعدني فيه كل شي كريم اساس وباودر وكونسيلر وارواج وظلال يعني فيها تنوع حلو؛؛
- و اول منتج ح نتكلم ع لكود كونسيلر=خافي عيوب سائل م ماركة نوت طبعا انا صورتلكم نتيجة اخفاء تحت عيني قبل وبعد باش تشوفو الفرق الشاسع اكيد للعلم استخدمته بروحه بدون كريم ترطيب تحته او مصحح لون باش نشوف الخامه امتاعه بالزبط وتآثيره وكانت نتيجته وااااااو للامانه م توقعته هكي بس بالفعل حلو سهل الاستخدام والدمج قوامه سائل خفيف وتغطيته م وسط ل فل كفر ترطيبه تحت العين حلو م يسبب لا تكتلات ولا تشققات غير انه م يتآكسد او يقلب لونه حتي لما استخدمته بدون مصحح مع انه عندي هالات واضحه بس م قلب معاي لرمادي ولونه ع اصفر يعطي اضاءه فضيعه تحت العين يعني حتي ف حالة استخدمتي كريم اساس غامق ع وجهك تقدري اديري بيه هايلايت وتفتحي بيه اماكن الاضاءه ف وجهك لان يعطي اشراقه فضيعه بجد ينفع للاستخدام اليوم لان زي م قلتلكم التاكستر او قوامه مش ثقيل تحت العين اكيد ننصح بيه اي بنوته تبي خافي للاستخدام اليومي وانه يعطي اشراقه حلوه وسعره مناسب نقولك جربي منه واكيد ح يعجبك،،
- طبعا فيه 4درجات لون انا خديت رقم”03 ” حسيته الاحلا وع اصفر يعطي اضاءه حلوه تحت العين ولكن انتم جربو كل الدرجات وشوفو الي يناسبكم؛؛ •°سعره(23)د.ل؛؛
- اما المنتج التاني هو كومباكت باودر م ماركة نوت يعني باودر مضغوظه بس لومنيترز حتي هي عجبتني ع الاخر فيها تغطيه حلوه وفي نفس الوقت ناعمه فيها لمعه خفيفه تناسب جميع انواع البشرات حتي الجافه لان زي م قلتكم ناعمه م تسببش جفاف ينفع تستخدميها لكل الوجه او تحت العين اللون الي خديته انا ع اصفر حلو هلبا للهايلايتر او الاضاءه للوجه؛؛
- فيها اكثر م درجة لون بس انا خديت رقم”03“•° سعرها(43)
- وكيل ماركة النوت مكانه شارع جرابه جنب مطعم شوايا وهذا رابط صفحتهم ع الفيس
( https://www.facebook.com/neemakeuplibya/)
وبس برنسيساتي اتمني الافاده للجميع دومتم متآلقات اوهبكم امووواااه..
