جمعتكم مباركة بنوتاتي ومداماتي الحلوات؛؛
حبيبات قلبي وصفه خفيفونه لعلاج تقصف الشعر؛؛
- الوصفه هادي فيها الافوكادو وزيت جوزالهند وم افضل الاقنعه الطبيعيه للشعر بالفعل يعالج التقصف وهيشان الشعر وم اول استخدام تشوفي الفرق يعطي لمعه ونعومه للشعر فضيعه؛؛
- المكونات حبة افوكادو+زيت جوز الهند الطريقة تقشرو الافوكادو وتحولو القلب الي داخل تقصوها طروف صغيره وترحوها ف الخلاط مع شوية ميه ح يولي معاكم زي الكريم بعدين تقدرو اضيفوله اي زيت تبوه والافضل زيت جوزالهند؛؛
- طبعاً اي قناع بتستخدميه لشعرك ضروري يكون نظيف باش تستفيد منه فروة الرآس الافضل تمصمصو شعركم بمية دافيه وتستخدمو القناع ع شعر مبلول افضل م الشعر الجاف تخلو القناع ساعه وبعدين تغسلوا شعركم عادي وتنشفوه وترطبو اطراف شعركم بآي زيت ترتاحو لآستخدامه انا نستخدم ف زيت جوزالهند الطبيعي م شركةسني آيل؛؛
- بالنسبه للافوكادو ديما تلقوه متوفر ف محلات الخضره الكبيره وتقدري تاخدي طرفين مش شرط تشري كيلوا؛؛
وبس برنسيساتي اتمني الافاده للجميع دومتم متآلقات اوهبكم امووواااه..
