فوائد قشور البيض للبشره

[وصفه لتنظيف زوان الانف وغلق المسام]

مساءالخيرات بنوتاتي ومداماتي المزموزات؛؛
حبيبات قلبي وصفه سهله وبسيطه وممممممممتازه لتقليل المسام وتنظيف زوان الانف؛؛

  • اول شي ضروري تعرفو الفوائد الرهيبه الي ف قشور الدحي طبعا تحتوي ع 90% م الكالسيوم وع اهم المعادن الي تفيد البشره منها الحديد والفسفور والزنك وغيره م المعادن المهمه غير انه فيه نسبه كبيره م الكولاجين الطبيعي الي وظيفته يشد البشره ويعالج التجاعيد ويعطي نظاره رهيبه؛؛
  • قشور الدحي تقدرو تستخدموها بكدا طريقه فوائدها ممتازه للبشره خاصةً الي عندهم تصبغات وحبوب ومسام والرؤس السوداء والبيضاء وينظف بعمق زوان الانف وتشوفو النتيجه م اول استخدام؛؛
  • طبعا الطريقه تقدرو تستخدمو قشرة الدحي بدون طبخها ع النار وتقدرو تستخدموها بعد م تتطبخوها ع النار؛؛
  • انا خديت 4دحيات غسلتهم كويس تحت الميه بعدين طبختهم ع النار مع شوية خل بعدين خديت القشور دقيتهم كويس وحطيتهم ف الخلاط ورحيتهم عادي بعدين غربلت القشور باش بدا عندي زي البودره نفس صورة البوست وللعلم م تخافوش م الريحه او الزفره لان م فيهمش ريحه نهائياً؛؛
  • انا نستخدم فيهم لمنطقة tزون الي هي الجبهه والانف والذقن يعني الاماكن الي تزيت عندي وفيها مسام ناخد ف ملعقه صغيرة م بودرة قشور الدحي مع بياض البيض ونخلطهم مع بعض يبدو عندك قوام سائل نحط ف القناع اكيد ع وجهه نظيف باش تستقبله البشره وتستفيد منه اكثر نخليه مدة15 دقيقه بعدين نغسل وجهي بغسولي المعتاد ونرطب وجهي سيروم فيتامين سي؛؛
  • لما بتغسلوا وجهكم ادلكوه بحركه دائريه خفيفه خاصةً جيهة الانف ح تشوفو لمعان وكيف نظف الزوان امتاع الانف كله م اول استخدام وحتي لو بديرو القناع ع كل الوجهه عادي ح تحسو بنعومه رهيبه؛؛
  • تقدرو تستخدمو القناع هذا مرتين فقط ف الاسبوع؛؛
  • يناسب جميع انواع البشرات الا ف حالة عندك تحسس م الدحي=البيض
  • في حالة م تبيش تطبخي الدحي ع النار عادي تقدري تاخدي قشرة الدحي وهي نيه طبعا تغسلي الدحيه كويس قبل م تفتيحها وتستخدمي القشور؛؛

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!