مساءالخيرات بنوتاتي ومداماتي الطرفونات؛؛
حبيبات قلبي قناع مفيد جداً للبشرة والشعر وهو جل بذور الكتان [من افضل الاقنعه الطبيعيه لتصفية وتبيض البشره وعلاج لكثافة ولمعان الشعر]
- لو عندك مشاكل ف البشره سواء تصبغات او تجاعيد او حبوب استخدمي بس جل بذور الكتان ولو عندك مشاكل في شعرك ك تساقط وقشره وتقصف استعملي جل بذور الكتان بالفعل الجل السحري لجميع مشاكل الشعر والبشره وم اول استخدام تشوفو نتيجه لما تستعملوه قناع للوجه م بعد م تغسلي وجهك تحسي بنظاره رهيبه في وجهك وتقدري تستخدميه حتي لجسمك وخاصة الاماكن الحساسه فضيييع؛؛
- طبعا انا درت كميه منه بس انتي تقدري تاخدي حتي ب دينار م العطريه واديريه بنفس الطريقه الي بنقولك عليها؛؛
- وهي تاخدي بذور الكتان وتغليها في الميه ع النار حوالي دقيقتين لين يخثر ويطلع معاك جل بعدين تخليه يبرد شويه وتضربيه كله ف الخلاط بدون م تصفيه ح يولي معاك قوامه زي الجلي وتقدري تحتفظي بيه ف علبه نظيفه وتحطيه ف ثلاجتك؛؛
- طريقة استخدامه فيه هلبا طرق بس ابسطهم والي انا نستخدم فيها الوقت الحالي هو ناخد م بذور الكتان الي ريحتهم ع طول نحط فيها ع وجهي ونخليه يجف حوالي 20دقيقه ح تحسي بنخز ف وجهك عادي م تخافيش هو ينظف في البشره ويشد وبعد م تغسلي وجهك شوفي النظاره والنعومه الرهيبه ف وجهك وطبعا تقدرو تستخدموه مرتين ف الاسبوع مثلا يوم السبت والخميس؛؛
- بالنسبه للشعر تقدري تخلطيه مع اي زيت شعر يعجبك انا ح نخلطه ب زيت جوزالهند ونستخدمه مرتين ف الاسبوع؛؛
- لو استمريتو عليه خلال شهر ح تشوفو نتائج فظيعه وهو غير مكلف ولا حتي متعب؛؛
وبس برنسيساتي اتمني الافاده للجميع دومتم متآلقات اوهبكم امووواااه..
