مساءالخيرات بنوتاتي ومداماتي الطرفونات؛؛
حبيبات قلبي بوست مهم للجميع لان مشكلة الخط الفاصل امتاع الروج اغلبنا نعانو منها؛؛

1. اول شي ضروري اديري تقشير اسبوعي لشفايفك يعني م مرتين ل3مرات ف الاسبوع تقدري تستخدمي التقشير الي يعجبك سواء تجاري او طبيعي عن نفسي نستخدم في تقشير طبيعي الي هو سكر+زيت جوزهند+عصير الكركاديه+كبسوله فيتامين e تخلطي كل المكونات مع بعضها وتحتفظي فيها وتستخدميها اسبوعيا؛؛

2. تاني شي الترطيب اليومي تقدري تستخدمي المرطب الي يريحك سواء تجاري او طبيعي عن نفسي نستخدم ف زيت جوزالهند او مرطب شفايف م ايفلين ممتاز وطبعا ترطبي يوميا قبل النوم؛؛

3. ثالث شي شوفو المنطقه الي محددتها ف صوره رقم(1) حاولو تستعملوا تنت ليها يعني حاولو تستخدمو روج يكون زي الصبغه ويقعد فتره ومثال ع الارواج هادي هي الروج السحري الاخضر فيه لون ويقعد فترات طويله او تنت تاتو الشفايف الي يلصق بعدين تقشريه يعطيك لون وردي علاش باش لما يخف معاك الروج او يفصل للون ويتشقق يبدا في تحته تنت ويقعد لون شفايفك حلو مش حايس؛؛

4. رابع شي لما تبو تستخدمو الارواج السائله المطفيه الي تكون مطفيه وجافه م تكتروش منها ف المنطقه الي محددتها ف الصوره الي هي وسط الشفايف لان ديما الروج يبدا يشقق م غادي حاولو تحطو كميه بسيطه واطبطو بصبعكم باش يتوزع كويس وم يصيرش معاك جاف او تشقق وفي حالة شفايفك فيه جفاف وتشقق هلبا م تستخدميش نهائي م الروج المطفي ف وسط الشفايف واستخدمي بدله روج يكون نفس درجة اللون بس يكون كريمي بحركة طبطبه خفيف هكي تضمني مش ح يتشقق معاك اللون نهائي؛؛

وبس برنسيساتي اتمني الافاده للجميع دومتم متآلقات اوهبكم امووواااه..