ريفيو اقلام شفايف [اسنس]

صحه غداكم بنوتاتي ومداماتي الحلوات؛؛
حبيبات قلبي بوست خفيفون ع اقلام الشفايف م اسنس؛؛

  • قبل م نبدآ في البوست عندكم تخفيض ع ماركة اسنس 10% بعد م تاخدو بقيمة70دينار فما فوق قولولهم بس م قروب او متتابعات جودالعرب؛؛ الماركة هادي موجوده في محل بيوتي كوين مكان محل مقابل جامعة ناصر وع فكره عندهم توصيل لجميع المناطق وهاذي صفحتهم ع الفيس
    https://www.facebook.com/beautyqueenmakeup.ly/
  • الصوره رقم(1) اقلام شفايف م اسنس اسمهم الترا لاست” شني بنقوللكم ع الاقلام هادي يابنات فضيييييييعه ولله افضل م ماركات هاي اند جربتها ف الاقلام وبالفعل كل الكلام الي كتبوه ع القلم م الشركه مزبوط انه ضد الميه صح ثباته عالي وانه بيقمنت صح لون القلم كثيف وتقدري تستخدميه ع كل الشفايف ك روج او ك بيس للقلوس الي بتحطيه فوقه انه ناعم بالفعل نااااااااعم جداً ورسمته واضحه وم اول خطه بيه يمشي معاك ع طول زي الزبده بالفعل الاقلام بيرفكت انا عن نفسي عجبوني هلبا ونتمنا تجربو منهم تقيمي ليهم 9.5 م 10؛؛ •°سعرهم 20 د.ل؛؛
  • الصوره رقم (2)حتي هما اقلام شفايف م اسنس نوع التوماتك اسمهم”لونق لاستنق” النوع هذا حلو ف الاستخدام اليومي حتي هما الوانهم وااااضحه وم اول خطه يرسم معاك ويطلع للون قوي الميزه ف نوعية الاقلام هادي انها م تتنجرش يعني م تكملش بسرعه حتي هما ننصح بيهم ااكيد وبقوه تقيمي ليهم 9 م 10؛؛  •°سعرهم 15 د.ل؛؛
  • لو بتسئلوني ع الفرق بين النوعين هما الزوز حلوات ع الاخر بس كل نوع يتميز ع التاني بحاجات بسيطه يعني النوع رقم واحد خامة اللون مازالت اثقل وكثيفه وثباته اقوي م النوع التاني غير انه صلاحيته تقعد سنتين يعني ممتاز جداً مقارنة لسعره اما النوع التاني ينفع للاستخدام اليومي وفيه الوان اللحميه روووعه وحتي هو مدة صلاحيته سنه تعتبر ممتازه مقارنةً بسعره؛؛

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!