مسائكم ورد بنوتاتي ومداماتي المزموزات؛؛
حبيبات قلبي بوست ع السريع لطريقة تقشير طبيعي للبشرة؛؛

• المكونات سهله وبسيطه هي رز مرحي+ جل بذور الكتان المقدار ع حسب وجهك يعني انا درت كاشيك=ملعقه كبيره رز مرحي+ملعقه جل بذور الكتان وتخلطو المكونات مع بعض لو حسيتو قوام التقشير ثقيل تقدرو اضيفو قطرات ميه لين يبدا معاك القوام وسط وتقدر تفرديه ع وجهك؛؛
• طريقة الاستخدام هي تغسلو وجهكم كويس بعدين تحطو التقشير ع وجه جاف وم تنسوش رقبتكم خلوه لمدة10/15 دقيقه لين يجف تماماً بعدين ديرو تقشير بحركه دائريه خفيفه؛؛

• بعدين تغسلو وجهكم بميه بارده باش تسكري المسام والافضل تمرري ثلجه ع وجهك؛؛

• واكيد بعد كل تقشير ضروري ترطبو بشرتكم استخدمو المرطب الي ترتاحو عليه؛؛

• تقدرو تستخدمو التقشير هدا م مره لمرتين ف الاسبوع؛؛

• فوائد التقشير هذا يفتح التصبغات ويعطيك اشراقه فضيعه وح تلاحظوها م اول استخدام غير انه جل بذور الكتان يشد البشره ويعالج التهابات الشمس؛؛

• ملاحظه انه لما تبي تستخدمي اي تقشير م تحطيش بعده ميكب او تطلعي للشمس باش بشرتك م يصيرلها ضرر؛؛وهذا رابط شرحت فيه ع طريقة كيف اديرو جل بذور الكتان للعلم بذور الكتان مش نفسه حب الرشاد
  

وبس برنسيساتي اتمني الافاده للجميع دومتم متآلقات اوهبكم امووواااه..