مساء الخيرات بنوتاتي ومداماتي المزموزات؛؛
حبيبات قلبي الي تبي تشري اساس جديد جودته كويسه وسعره مناسب اتابع البوست؛؛
- قبل م نبدآ في البوست عندكم تخفيض ع ماركة اسنس 10% بعد م تاخدو بقيمة70دينار فما فوق قولولهم بس م قروب او متتابعات جودالعرب؛؛ الماركة هادي موجوده في محل بيوتي كوين مكان محل مقابل جامعة ناصر وع فكره عندهم توصيل لجميع المناطق وهاذي صفحتهم ع الفيس
https://www.facebook.com/beautyqueenmakeup.ly/ - كريم اساس م ماركة اسنس اسمها(انستانت) طبعا انا حاولت نصورلكم تغطيتها ع يدي في صورة البوست الكريم تجنن قوامها موسي خفيف ومات مطفيه تماماً الحلو ف الكريم هذا انه لما باودر معدني يعني حتي الي بشرتها حساسه م تخافش منه تقدر تستعمله والفنش امتاعه مطفي لان يقلب لباودر يعني ف حالة بشرتك عاديه او جافه تقدري تستخدميه بدون باودر وبالنسبه للبشره الدهنيه تقدري اثبتيه حاجه بسيطه ب باود مضغوظه او حره براحتك ع المهم الكريم مكتوب عليه لونق لاستنق يعني يقعد ثابت حوالي18 ساعه بس للامانه انا استخدمته وقعدت بيه يوم كامل بعد حوالي7/8 ساعات زيت عندي منطقة تي زون دهنيه بس هادي م تعتبر مشكله مقارنةً لسعره ممتاز جداً الحلو فيه انه م تآكسد او خطط معاي بس المهم تتآكدي تاخدي درجو لونك انا خديت درجة رقمها(30)ع البيج واغمق مني ب درجتين تقريبا بس حلوه هلبا مشت معاي بالنسبه للتغطيه امتاعه تعتبر وسط في حالة ب تبني عليه طبقة تانيه يبدا معاك فل كفر والحلو فيه انه م يتكتل لان زي م قلت قوامه موسي خفيف بسرعه م تجف ع البشره هل ينفع للاستخدام اليومي هو ينفع بس بتستخدميه بطريقه معينه انك تحطي منه طبقه خفيفه باش م يسبب ضرر لبشرتك وهل ينفع للاستخدام المناسبات عن نفسي انا ينفع اه لان تغطيته امتاعه حلووووه وتقدري اثقلي بيه كيف م تبي تقيمي ليه لان معدني يعني يعتبر طبي 9م10؛؛ •°سعره(35)د.ل؛؛
- اما الباودر هي ماتي فاينق كومباكت باودر يعني باودر مضغوطه مطفيه تماماً قوامها خفيف ع الرغم م انها مطفيه ومضغوطه بس خفيفه اتوقع تناسب جميع انواع البشرات زي م مكتوب عليها يعني حتي الي بشرتها جافه تمشي معاها م تسببلها قشور عكس البودرات المضغوطه التانيه لانه خامتها ناعمه تغطيتها م خفيفه لوسط يعني م تعطيك الشكل المجير او المغبر ع الوجه وانما تطفي الاساس وتخفف م زيوت البشره بدون م تسبب اي خطوط ف الوجه انا خديت رقم(4)درجتها ع البيج الحلو ف الباودر هادي انها مجربه طبياً يعني حتي الي بشرتها حساسه تناسبها م تخاف م استعمالها هل ينفع استخدامها لليومي اه ينفع هل ينفع استخدامها للمناسبات هذا متوقف ع ذوقك ف حالة تحبي التغطيه الثقيله لا مش ح تناسبك اما ف حالة تحبي التغطيه الوسط والغير متكتله اه تنفع بيك تقيمي ليها ح يزيد لان واخده تست ديرما طبي نعطيها 9م 10؛؛ •°سعرها(23)د.ل؛؛
وبس برنسيساتي اتمني الافاده للجميع دومتم متآلقات اوهبكم امووواااه..
