القناع السحري لجميع مشاكل البشره [فوائد بذور الكتان للبشره]

مساءالخيرات بنوتاتي ومداماتي الطرفونات؛؛
حبيبات قلبي لكل م تعاني مشاكل بشره تصبغات مسام حب شباب تجاعيد اتابع البوست؛؛

  • خلي نقوللكم ع فوائد الرهيبه لبذور الكتان تعالج حب الشباب تهدئ التهابات الجلديه الي تسببها الشمس يرطب البشره ترطيب عميق ويقلل م التجاعيد لان بذور الكتان يعتبر م الاعشاب الطبيه لان الماده الي داخله هلاميه زي الجل يعالج امراض الصدفيه لإحتوائه ع احماض دهنيه و الاوميغا3 وفيتامينات مهمه مضاده للآكسده منها فيتامين A,B,D,E وفيه بروتينات والياف غذائيه مهمه للجسم وللبشره وللشعر؛؛
  • بالنسبه للطريقه سهله وبسيطه وحتي غير مكلفه تقدرو تاخدو بذور كتان م اي عطريه حتي ب دينار بعدين تاخدو مقدار كاشيك=ملعقه كبيره م بذور كتان وتحطوها ف بكرج قهوه وتصبو معاها شوية ميه كآنك بديري شاهي تخليه يغلي ع النار حوالي دقيقتين لين يشد و ويولي معاك خاثر تحسيه يبدا معاك زي الجل بعدين تصفيه وتاخدي الجل نفس صورة البوست؛؛
  • الجل هذا تقدري تستخدميه بروحه او اضيفيه لآقنعة بشره او شعر وتقدري تستخدميه بروحه تدهنيه بيه وجهك لمدة(20)دقيقه بعدين تغسلي وجهك ب آي غسول عندك ح تشوفي النتيجه م اول استخدام تحسي بشرتك نظره ومشدوده وصحيه بجد مممممممتاز ننصحكم بيه خاصةً الي بشرتها مرهقه؛؛
  • بعدين الي فضل منه تحتفظو بيه ف علبه نظيفه وتحطوه ف الثلاجه ينفع يصبر معاك لآسبوعين فقط؛؛
  • تقدرو تستخدموه م مره لمرتين ف الاسبوع ك قناع جلي لبشرتك ؛؛

وبس برنسيساتي اتمني الافاده للجميع دومتم متآلقات اوهبكم امووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!