مساءالخيرات بنوتاتي ومداماتي الجميلات،،
حبيبات قلبي بوست اليوم ريفيو لنوعين م اقلام اسنس الي تبي اقلام جودتها كويسه وسعرها مناسب اتابع البوست؛؛
- قبل م نبدآ في البوست عندكم تخفيض ع ماركة اسنس 10% بعد م تاخدو بقيمة70دينار فما فوق قولولهم بس م قروب او متتابعات جودالعرب؛؛ الماركة هادي موجوده في محل بيوتي كوين مكان محل مقابل جامعة ناصر وع فكره عندهم توصيل لجميع المناطق وهاذي صفحتهم ع الفيس
https://www.facebook.com/beautyqueenmakeup.ly/ - النوع الاول الي هو صوره(1) اقلام الجل م ماركة اسنس شني بنقوللكم يابنات الاقلام هادي ابداع م ناحية ان لونها بيقمنت يعني قوي ممتازه م ناحية الثبات ممتازه وم ناحية انها بسرعه ترتسم ف العين ممتازه بجد ننصحكم بيها وتنفع تستخدموها حتي ك ظل للعين ف حالة تبو اديرو سموكي قوامها جل كريمي روووعه تقيمي ليها 9م10 وفي نفس الوقت م تعبت عيني للعلم عيوني حساسات بس استخدمهم كدا مره مشت الامور تمام ؛؛ •°سعرهم (20)د.ل؛؛
- النوع التاني الي هو صوره(2)اقلام توماتك م اسنس فيها الالوان رووووعه استعملها نعتبره ينفع لليومي لان قوامها خفيف بس ثباتها قوي فيها للون الفضي يابنات هذا ضروري تاخدو منه فضييييع لما تكحلوا بيه داخل العين يعطيها وسع وانعكاس حلو ع الاخر لو بتسئلوني اما اقوي الجل او التوماتك بنقوللكم الجل اقوي لان قوامها اثقل ونفضل استخدامه للمناسبات او لعينها ادمع هلبا بس حتي التوماتك لا يستهان بيهم اول م ترسمي عينك يطلع معاك للون طول وفي حالة انتي تبي تشري اقلام عيون ب لون ننصحك بيهم وحتي للون الاسود الي فيهم سواد حلو و واضح ويمشي حتي مع العيون الحساسه لان ماركة اسنس معروفه م تستخدمش ف مواد المضره حتي لو كانت مرخصه دولياً وتقيمي للنوع هذا 8م 10؛؛ •°سعرهم(15)د.ل؛؛
وبس برنسيساتي اتمني الافاده للجميع دومتم متآلقات اوهبكم اموووااه..
