مساءالخيرات بنوتاتي ومداماتي الطرفونات؛؛
حبيبات قلبي لكل م تعاني تصبغات اليدين او الكوع او الركاب اتابع البوست؛؛
- مكونات التقشير سهل وبسيط ومتوفر ف اغلب البيوت هي قهوه+كربونات+زيت جوز هند او اي زيت متوفر عندك المقدار ملعقه صغيره م كل حاجه وتخلطيهم مع بعض القوام يكون وسط باش تقدري اديري بيه تقشير؛؛
- للعلم انا استخدمت ف البوست تنوة القهوه(بقايا القهوه)؛؛
- طريقة الاستعمال تغسلي يديك والاماكن الي بديرلها تقشير تبليها بشوية ميه باش م تجرحي روحك وتاخدي شويه م التقشير وتدلكي يديك او الكوع او الركاب بحركة دائريه خفيفه لمدة3دقايق وتخليه التقشير 10/15 دقيقه فقط بعدين تمصمصي بالميه وشامبوك المعتاد وبعد التقشير ضروري ترطبي اهم شي بآي مرطب متوفر عندك انا عن نفسي نستخدم ف كريم ترطيب اليدين كرستان لي او جل الصبار م كرستان لي؛؛
- تقدرو تستخدمو التقشير هذا م مره لمرتين ف الاسبوع فقط مش اكثر م هكي؛؛
- فائدة التقشير هو تجديد الخلايا وازالة اي قشره ميته م ع البشره غير انه القهوه ممتازه لتفتيح البشره والكربوناته معروفه ف لتبيض وازالة السموم وزيت جوزالهند ترطيبه عميق للبشره او للشعر؛؛
- انا نستخدم في زيت جوزالهند اسمه الحكمه متوفر ف العطريات تقريبا سعره ف حدود14دينار؛؛
- كربونات الصوديوم والقهوه متوفره ف اغلب محلات المواد الغدائيه؛؛
وبس برنسيساتي اتمني الافاده للجميع دومتم متآلقات اوهبكم اموووااه..
