مساءالخيرات بنوتاتي ومداماتي الطرفونات؛؛
حبيبات قلبي بوست مهم للجميع لان الاهتمام باليدين مهم جداً للبنت؛؛
- الروتين ساهل وبسيط وغير مكلف وليكم حريه في اختيار المنتجات م اي ماركه تعجبكم؛؛
- اول شي الروتين اليومي باليدين هو الترطيب النهاري ضروري يكون المرطب فيه حمايه م الشمس م ينفعش تستعملي مرطب عادي في الشمس لان ح يخلي يديك حاله محلحله فلهذا اما تختاري كريم مرطب فيه حمايه زي فازلين الوردي في الصوره او استخدمي نفس واقي الشمس امتاع وجهك تحطي شويه ع يديك وتدلكي كويس؛؛
- وم تنسيش في حالة تسوقي البسي قوانطي نفس الموجودات ف الصوره وخودي للون البيج او الابيض مش الاسود باش تضمني م يديك م تسمرش؛؛
- والاهم الترطيب اليومي قبل النوم تقدري تستخدمي اي كريم مرطب متوفر عندك انا نستعمل ف كريم ترطيب كرستان لي ممتاز وحسيته فتح يديا؛؛
- تاني شي الروتين الاسبوعي هو التقشير مهم جداً جداً لترطيب اليدين وتفتيحهم وازالة كل الخلايا الميته واسهل تقشير تاخدي شويه ملح تخلطيه مع اي شامبو جسم عندك وتدلكي بيه يديك بحركه دائريه تقدري تستخدميه 3مرات ف الاسبوع واكيد بعده تستخدمي كريم ترطيب لليدين اي كريم متوفر عندك؛؛
وبس برنسيساتي اتمني الافاده للجميع دومتم متآلقات اوهبكم اموووااه..
