ريفيو بلاك ماسك [الماسك الاسود التركي]

جمعتكم مباركة بنوتاتي ومداماتي الطرفونات؛؛
حبيبات قلبي بوست خفيفون ع الماسك الاسود الي يجيني عليه هلباااااااا اسئله عليه ف التعليقات جربته وحبيت نفيدكم بتجربتي معاه؛؛

  • القناع الاسود هذا م ماركة نيو ويل التركيه هو عباره ع قناع مقشر ومغذي ومرطب للبشره متكون م الفحم الاسود النشط وطين البنتونيت طبعا المكونات هادي معروفه انه تنظف الدهون و والاوساخ المتراكمه وتحول الخلايا الميته وتقلل م المسام الفحم الاسود النشط ممتاز للبشره وليه عدة استعمالات لان يقلل م التجاعيد والحبوب وطين البنتونيت حتي هو منظف عميق البشره ومضاد للبكتيريا ويحول الرؤس السوداء والبيضاء ويقلل م انسداد المسام؛؛
  • تجربتي معاه كانت كويسه وحلو استخدامه قبل مناسبتك ومكياجك يعطي للبشره نعومه فظيعه ويحول القشره و زوان الانف هل ننصحكم بيه اه ننصحكم بيه استخدامه ك قناع تجميلي ونتيجته تشوفوها وقتي بعد استخدامه مباشرةً يخلي الوجه رااايق ومشرق والميزه الي ف القناع هذا انه بعد م تستخدميه يعطيك ترطيب عكس الاقنعه التانيه تجفف البشره وفي نفس الوقت تخفف م افرازات دهون البشره؛؛
  • انا نحب نستخدمه قبل مناسبتي خاصةً لو نبي نحط ميكب لان يخلي البشره ناعمه ع الاخر طريقة استعمالي انا نفس صورتي ف البوست طبعا ترجو التبيتو كويس بعدين تاخدو منه بالشويه وتحطوه ع اماكن الوجه الي تحسوها تبيه تقشير وتقليل افراز زيوتها يعني انا ديمه انحط فيه ع منطقة  tزون الي هي الجبهه والانف والذقن هما اكثر الاماكن الي عندي تزيت نخليه حوالي 10/15 دقيقه لين يجف تماماً ونقدر نحوله طرف واحد بعدين ناخد قطنه فيها تونر الي هو قابض للمسام او مية ورد ونمسح بيه كل وجهي باش نسكر المسام وتقدرو تستخدمو التونر م اي ماركة متوفر عندكم؛؛
  • سعره 22دينار ليبي خديته م محل بيوتي كوين مقابل جامعة ناصر وهادي صفحتهم
    https://www.facebook.com/beautyqueenmakeup.ly

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!