حلول لتقليل افراز زيوت البشره

[فوائد شرائح البطاطا للبشره]

مساءالخيرات بنوتاتي ومداماتي الطرفونات؛؛
حبيبات قلبي لكل م تعاني افرازات زيوت البشره سواء كانت بشرتها دهنيه او مختلطه اتابع البوست؛؛

  • قبل م نبدا ف البوست خلي نقوللكم طبيعة بشرتي ف الصيف تتغير وتولي مختلطه يعني عندي منطقة t زون الي هي الجبهه والانف والذقن يزيت ويفرز ف زيوت طبعاً الموضوع هذا مزجع سواء بتحطي مكياج او بدونه مش حلو يبان الوجه مزيت فلهذا ح نلقوله حل مع بعض؛؛
  • اول شي الي بشرتها دهنيه او مختلطه تهتم بتنطيف بشرتها مرتين ف اليوم هي مره الصبح ومره قبل النوم ف لليل وتختارو غسول يكون مخصوص للبشره الدهنيه وخالي تماماً م الزيوت يعني اويل فري انا عن نفسي الفتره هادي عندي غسول ايفيلين360° وماشي معاي تمام التمام ونزلتكم عليه بوست فيما سبق؛؛
  • تاني شي كريمة الترطيب تكون حتي هي خاليه م الزيوت اما قوامه جل او سائل تقلب لمات الي هو المطفي وحتي مكياجك نفس الشي تختاريه مطفي ويكون خالي م الزيوت يعني قبل م تشري اي منتج اقري عليه اذا هو خالي م الزيوت او لا؛؛
  • اما بوستنا اليوم وصفه سهله وبسيطه وغير متعبه او مكلفه وفيها فوائد رهيبه للبشره هي شرائح البطاطا ممتازه لتفتيح التصبغات وتقليل افراز زيوت البشره وقبض المسام وتعالج حروق الشمس والنمش وتخفف م تجاعيد البشره لان فيها عناصر غدائيه وفيتامينات مهمه للبشره منها فيتامينA,B1,B2,B6 وفيتامين C والبيتاكاروتين الي هو ماده مبيضه طبيعيه ومركبات زي الماغنسيوم والبوتاسيوم والفسفور فلهذا البطاطا ممتاز للبشره وتقدرو تستخدموها بكدا طريقه ؛؛
  • طريقتنا اليوم هي تاخدو قطعة بطاطا تغسلوها م برا وبعدين تقشروها وتقصوها لقطع دائريه نفس صورة البوست بعدين تعصرو نص ليمه ف صونيه تانيه وتغطسوا شرائح البطاطا بعدين تستفوها ع كيسة لحم وتلفوها وتحطوها ف الفريز؛؛
  • بالنسبه للبشره الجافه تقدرو اديرو نفس الطريقه بس بدل م تغطسو شرائح البطاطا ف عصير ليمون اديروها بالحليب باش ترطب البشره؛؛
  • طريقة الاستخدام تاخدو شريحة بطاطا كل يوم وتدلكو بيها كامل الوجه والرقبه لمدة5 دقايق بعدين تقصوها الشريحه ع نصفين وتحطوها تحت كل عين لمدة10 دقايق وبعدين تغسلي وجهك بالميه فقط ف حالة تبي تحطي مكياج عادي وفي حالة تبي تحطي مرطب عادي امر راجع لإختياركم؛؛
  • ح تشوفو فرق رهيب والمسام تقلصت وحتي زيوت البشره خفت استمرو عليها بشكل يومي ح تشوفو فرق رهيب ف البشره؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Integration by Acurax Social Media Branding Company
error: Content is protected !!