تقشير طبيعي [للوجه والجسم]

مساءالخيرات بنوتاتي ومداماتي الطرفونات؛؛
حبيبات قلبي بوست ع تقشير طبيعي للوجه او للجسم ؛؛

  • مقشر طبيعي ممتاز للبشره وغير مكلف ونتيجته ممتازه تقدرو تستعملوه لوجهكم او لجسمكم او لآيديكم بس لان مقشر يعتبر ثقيل وعميق تستعملوه للوجه مره ف الاسبوع وللجسم مرتين ف الاسبوع ولليدين 3مرات ف الاسبوع وبعد م تقشرو بيه ضروري تستعملوا مرطب يكون عميق للبشره؛؛
  • فوائد التقشير هو تجديد خلايا البشره وتفتيح التصبغات وتقليل المسام وافراز زيوت البشره المضره ضروري تخلو روتين التقشير مره ف الاسبوع لو تبو تحافظو ع بشرتكم ونضارتها وتخفيف م التجاعيد؛؛
  • المكونات هي ارز مرحي+زبادي ساده بس انا م كانش متوفر عندي خديت م الزبادي الي بنكهه+ ماء زهر ولو مش متوفر عادي تستبدلوه بمية الورد او العطر؛؛
  • مقدار المكونات كاشيك=ملعقه صغير م كل مكون تخلطوها مع بعض ويكون قوامها وسط باش تستخدمو ك مقشر وك قناع للوجه اما لو بديرو قوامه خفيف تستعملوه ك مقشر فقط؛؛
  • اكيد تستخدمو المقشر ع بشره نظيفه باش يتغلل داخل المسام ويستفيد م المقشر تخلوه لمدة15 دقيقه لين يجف بعدين تبلو وجهكم بشوية ميه وادلكو بشرتكم بحركة دائريه خفيفه الوجه كله حتي تحت العين والشفايف بعدين تغسلوه بمية بارده تقدرو تستعملو غسولكم المعتاد؛؛
  • بعدين ترطبو بشرتكم ب اي مرطب مفضل عندكم عن نفسي ح نرطب ب جل الصبار؛؛
  • طبعا يوم اديرو تقشير ثقيل زي هذا م تحطوش بعده مكياج او تطلعو بيه ف شمس او تستخدمو اي وسيله لازالة شعر الوجه؛؛
  • اي واحده تعاني م تصبغات الشمس والبحر م نمش او حروق ننصحها ب المقشر هذا وبقووووووووه ح تشوفو نتيجه رهيبه؛؛
  • ف حالة بشرتك جافه تقدري اضيفي نقطتين اي زيت عطري متوفر عندك زي زيت جوزالهند او زيت الزيتون او زيت اللوز الحلو الزيوت هادي كلها ممتازه البشره وتقدرو اضيفو معاه حتي فيتامين e؛؛
  • ويالله انتي وياها نوضي وانشطي م غير بخل زايد اهتمو ب بشرتكم واستخدمو اي قناع متوفر عندكم؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!