قطرة مصفية للعين [بسعر رخيص]

مساء الخيرات بنوتاتي ومداماتي الطرفونات؛؛
حبيبات قلبي بوست اليوم مهم لكل م تعاني م جفاف وتحسس العيون؛؛

  • اكيد زي م عارفين اغلبكم ان عندي مشكله ع طول نعاني منها وهي تحسس العيون ع ابسط حاجه بسرعه م يصيرلي تحسس سواء غبره او ريحه قويه او المكياج اليوم وخاصةً توا ف الصيف الموضوع بزياده هو يصير جفاف للعين تولي حمراء ومدغدشات ومش متحمله حتي نغسل وجهي بالميه يعني مآساة؛؛
  • فلهذا ع طول ناخد ف قطره للعين وهي الدموع الاصتناعيه ترطب العين وتصفيها وتحميها م الجفاف جربت انواع هلبا مصفيه ومرطبه م العين افضلهم بالنسبه ليا هي قطرة ريفرش وهولا بس للاسف النوعيات هادي بدت ناقصه ف الصيدليات وسعرها بداااااا اووووووفر وغالي هلبا ميزة القطرات هادو انه م فيهم مواد حافظه الي تسبب ضرر للعين؛؛
  • ولكن م يومين فاتو خديت قطرة عين نوع تاني اسمها ( Lacrisol/لكرسول) بصراحه ممتاز هلبا وعيوني الحمدالله تحسنو تحول الاحمرار والتحسس وحسيت بالترطيب داخل عيني وحتي هي خاليه م المواد الحافظه يعني تقدري تستعمليها بشكل يومي بدون م تسببلك اي ضرر والي شجعني انزلكم عليها ريفيو هو جودتها وسعرها ب5دينار ليبي متوفره ف اغلب الصيدليات يعني لكل م تعاني م تحسس او احمرار او عيونها يدمعو هلبا لما تكحل ننصحها بيها؛؛
  • في حالة م لقيتو نفس النوعيه هادي لما تمشي للصيدليه قولي للدكتور نبي قطرة مصفيه للعين بس بدون مواد حافظه؛؛
  • بالنسبه للقطره هادي ينفع استخدامها قبل م تلبسي عدساتك ب10 دقايق بس م ينفع تستخدمي القطره وانتي لابسه عدساتك؛؛
  • وبالنسبه لتاريخ انتهاء صلاحيتها هي بعد فتح القطره تقعد شهر فقط لو قعدت معاك اكثر م شهر تلوحيها طول معاش تستعمليها؛؛
  • الافضل انه اي قطرة عيون تحتفظي بيها ف الثلاجه باش لما تستخدميها تحسيها بارده وتنعش عيونك؛؛

وبس برنسيساتي اتمني الافاده للجميع دومتم متآلقات اوهبكم اموووااه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!