مكعبات الثلج

صحه فطوركم بنوتاتي ومداماتي الطرفونات؛؛
 حبيبات قلبي لكل م تعاني م المسامات الواسعه او الهالات سببها الارهاق او تصبغات بشره البوست هذا ح يفيدها؛؛

  • مكونات مكعبات الثلج سهله وبسيطه ومتوفره بس فوائدها كبيره للبشره هو النشآ ومية الورد وعصير البطاطا طبعا معروفه البطاطا فوائدها الرهيبه لتفتيح البشره لان فيها فيتامين سي وبي وآ م اهم الفيتامينات الي تحتاجها البشره والنشآ معروف ع تقليل المسام وشد البشره اما مية الورد اكيد عارفين انه تعطي اشراقه رهيبه للبشره وتقلل م مسامها وافراز زيوتها المضره ليها وتنظف المسام بعمق؛؛
  • الطريقه هي تاخدو 2كواشيك=ملعقتين كبيره م النشآ بعدين تاخدي بطاطا واحده يكون حجمها صغير ولو عندك حجم كبير اقسميها ع اتنين بعدين قصي البطاطا طروف صغار وحطيها ف الخلاط واضيفلها مية ورد شويه باش ترتحي ف الخلاط بعدين يبدا معاك خليط سائل تصفيه ويولي عصير بطاطا مع مية ورد بعدين اضيفه للنشآ قوامه يكون سائل نفس صورة البوست انا صورتلكم الخطوات كلها بعدين تحطيه ف قوالب الثلج وتحتفظي بيها ف الفريز امتاعك يولي مكعبات ثلج؛؛
  • طريقة الاستخدام تقدري تستعملي مكعب ثلج يومياً ع كل وجهك ورقبتك وخليه يجف عليك حتي 20دقيقه بعدين اغسلي وجهك بغسولك المعتاد وحطي كريم ترطيبك باش م يصيرلك جفاف؛؛
  • ف ناس تتحسس م ثلج مباشرةً تقدري تلفي مكعب المثلج بقطنه وتدلكي وجهك؛؛
  • في حالة بشرتك جافه استعملي الحليب مع البطاطا بدل مية الورد وتقدري اضيفي قطرتين زيت عطري زي زيت اللوز الحلو او زيت جنين القمح او زيت جوزالهند الي متوفر عندك؛؛
  • يالله نوضي انتي وياها ياسركم م البخل واهتموا ب بشرتكم؛؛

وبس برنسيساتي اتمني الافاده للجميع دومتم متآلقات اوهبكم اموووااه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!