مساء الخيرات بنوتاتي ومداماتي الطرفونات؛؛
حبيبات قلبي بوست خفيفون طريقة استخدام واقي الشمس؛؛
- اكيد توا خش علينا الصيف وتكون فيه الشمس عموديه وضروري تحمي بشرتك م الشمس سواء ب واقي شمس او ب كريم نهاري وديما لما تبو تختارو واقي اختاروه م ماركة طبيه مش تجاريه لان تركيبته ومواده يكون متعوب عليها ف الماركات الطبيه هذا علاش يكون اغلا ف السعر م التجاري؛؛
- حماية بشرتك م الشمس مهمه جداً لان عدم حمايتك م الشمس ح تسببلك كلف ونمش وتجاعيد وجفاف وتحسس واغلب المشاكل الجلديه الي تعاني منها هي سببها اهمالك في حماية بشرتك م الشمس والكلام ينطبقك ع الكبار والصغار والنساء والرجال يشمل الكل وحتي المنقبه عزيزتي انتي مش برا الدائره حتي انتي ضروري تستخدمي واقي لوجهك؛؛
- به ف ناس تقولي احنا م نفضلوش استخدام الواقي لان يزيت ويقلب للون بنقولك اه صح لان استخدامك واختيارك النوع الخاطئ لبشرتك هو الي سببلك هالمشاكل هادي؛؛
- نصيحتي ليك لما تبي تختاري واقي شمس اختاريه يكون اويل فري خالي تماماً م الزيوت حتي للبشره الجافه باش م يقلب لونه او يتآكسد او يزيت ع بشرتك ويسببلك ضرر لان كل م زيت الواقي ع وجهك ح يضرك اكثر م ينفعك واختارو الواقي يكون فيه النوعين م الحمايه هي الفيزيائيه والكيميائيه وضروري تجدديه الواقي كل ساعتين م استخدامه والا ح يآكسد معاك في حالة عندك واقي شمس م الصيف الي فات تلوحيه ع طول لان خلاص انتهت صلاحيته؛؛
- وتوا بنحكيلكم ع واقي الشمس م ماركة يورياج عن نفسي يعتبر م افضل واقيات الشمس الي جربتهم بعد ماركة ڤيشي ويعتبر سعره مناسب قدام اسعار الماركات الطبيه التانيه؛؛
- انا ماركة يورياج مجربه منها كدا حاجه قبل بس اول مره نجرب واقي الشمس منها وكان روووووعه اول شي هو خالي تماماً م الزيوت اويل في وفيه حمايه مزدوجه الكيميائيه والفيزيائيه مناسب للبشره الدهنيه الحساسه والمختلطه وينفع تستخدمه حتي الي بشرتها جافه لان فيه نسبة ترطيب ويعطي هلثي قلو آيفكت للوجه يعني للمعه الصحيه للوجه قوة حمايته كويسه+50% طبعا انا حطيته يوم كامل باش نقدر نقيمه حطيته م س10 صبح لس 4العصر انا م زيت معاي ولا تآكسد لونه للعلم بشرتي مختلطه بس مرات الي بشرتها دهنيه هلبا يزيت معاها حاجه بسيطه ولكن اول م حطيته ع طول جف وكآني مش حاطه شي عكس الواقيات التانيه تحسي بطبقه بيضاء او قشور هذا ملمسه خفيف ع الاخر وهادي حاجه كويسه انه يكون خفيف باش م يسبب انسداد للمسام طبعاً يجي ب لون خفيف ولكن اول م تحطيه ع بشرتك يتجانس مع لونها ويعطيك توحيد كامل؛؛
- طريقة استخدام الواقي عن نفسي نمرر ف ثلجه ع كل وجهي نستناه لين يجف بعد نحط الواقي امتاعي ع كل وجهي بس ناخد ف كميه صغيره يعني ع طرف صبعي كافي وفي حالة حسيت انه الواقي خف او زيت نحط طبقه تانيه ونخفف الزايد بالكلينكس بطريقة الطبطبه ع وجهي؛؛
- وتقدرو تستخدموه حتي لايديكم عادي؛؛
- بالنسبه لواقي يورياج انا خديته ف باكدج يعني باكو يجي فيه الواقي مع مزيل مكياج هديه سعره 60دينار ليبي؛؛
- و الي تستخدم ف مكياج م ننصحهاش تستخدم واقي وانما الافضل تستخدم كريم نهاري او بي بي كريم او سي سي كريم؛؛
- خديته م محل بيوتي كوين مقابل جامعة ناصر وعندهم خدمة توصيل وهادي صفحتهم ع الفيس تقدرو تراسلوهم ع رسائل الصفحه
https://www.facebook.com/beautyqueenmakeup.ly
وبس برنسيساتي اتمني الافاده للجميع دومتم متآلقات اوهبكم اموووااه…
