طريقة الشعر الكيرلي [بآقل ضرر وتكلفه]

مساءالخيرات بنوتاتي ومداماتي المزموزات؛؛
 حبيبات قلبي بوست ح يكون مفيد للناس الي تحب ادير شعرها كيرلي بآقل تعب وضرر وتكلفه؛؛

  • اكيد اغلبنا نحبو الشعر الكيرلي الي هو الشعر المموج بس المعروف انه متعب يشد اليد ولو بديره ف مزين ح يكلفك غير انه شعرك ح يتعرض للحراره الي تهلك شعرك؛؛
  • اليوم بنقوللكم طريقتي الي ندير فيها للشعر الكيرلي في ناس تعرفها وفي ناس لا حبيت انفيدكم بيها لان نوعيتي نمل ونتعب لما نقعد نلف بالخصله وياخد وقت اطول غير انه توا معاش نقدر نعرض شعري للحراره بحكم اني صابغه للون فاتح ونحاول نقلل الضرر والتقصف ف شعري؛؛
  • نبي نعطيكم معلومه او خطوه ندير فيها انا في حالة عندك مناسبه وتبي شعرك يبان حيوي ولمعه وناعم انا نغسل في شعري بالشامبو قبل يوم مناسبتي وتاني يوم نحط ماسك ع شعري او بلسم انا نستخدم ف ماسك الارغان نخليه ساعتين ونغسل شعري بالميه فقط م نغسل بالشامبو تاني الطريقه هادي روووووعه ف حالة تبي شعرك يبان فرش ويطلع حلو مع الاستشوار جربوها مش ح تندمو؛؛
  • توا بنقوللكم الخطوات الي ندير فيها للشعر الكيرلي:
  • اول خطوه/ندهن اطراف شعري ب سيروم وهو مازال مببلول باش يتغلل داخله كويس وم يبداش في شعري هيشان بعدين نجفف شعري ب الاستشوار بدون م نجبده وتكون حرارة الاستشوار وسط؛؛
  • تاني خطوه/نمشط شعري ونفرقه ل4 اجزاء بعدين نبدا نظفر في الشعر خصلات رقيقه وتكون الظفره مشدوده كويس كويس ونكمل ظفر الشعر كله ف حالة انتي م تبيش تظفري قصتك هذا امر راجعلك براحتك وطبعاً خصلات الظفائر حتي هو ع راحتك تبيها رقيقه او غليظه او وسط انا ندير ف ظفائر رقيقه و وسط باش يجي مموج ويعطي حجم للشعر؛؛
  • ثالث خطوه/ناخد السيلفر او القصدير نفس الي مديراته انا ف صورة البوست ونلفه ع كل خصله مظفوره الحركه هادي تحمي شعرك م حرارة الفير؛؛
  • رابع خطوه/ناخد الفير امتاعي ونحطه ع كل خصله مظفوره نعد م 1 لل20 يعني كل خصله تخليها 20 تانيه تحت الفير باش يجيك خصلات شعرك بالتساوي؛؛
  • في حالة تبي يقعدلك الكيرلي اكثر تقدري ترقدي ب شعرك وهو ظفاير وتاني يوم تفتحي الظفاير امتاعك وتبدي تفتحي ف خصلات شعرك ب صوابعك وبخي شويه اسبراي باش يثبت معاك؛؛
  • وفي حالة عندك مناسبه وتبي تفتحيه نفس اليوم بعد م تكملي الفير م شعرك خليه نص ساعه وافتحي بالخصله وبخي اسبراي باش يثبت معاك؛؛
  • ولو م تبيش تعرضي شعرك للحراره بكل عادي اضفري شعرك ظفاير قبل يوم مناسبتك وتاني يوم افتحيه بس ح يجيك تموج اخف م لما بتستخدمي الفير وكآنه الشعر طبيعي؛؛
  • انا ح نرقد بيه شعري ظفاير وبكره نفتحه ح نصورلكم النتيجه؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!