ريفيو فرش فاتنه[OG]

مساءالخيرات بنوتاتي ومداماتي الطرفونات،،
 حبيبات قلبي بوست خفيفون ع جودة فرش ماركة فاتنه وهذا بناءاً ع طلبكم اني نجربها ونعطيكم رآئي فيها؛؛

  • الي تبي فرش سعرها رخيص وجودتها كويسه اتابع البوست؛؛

  • تقيمي لفرش فاتنه كويسه بالنسبه لسعرها انا خديت 3فرش منها واحده كابوبكي للدمج والتانيه بانانا برش والثالثه فرشة ايلاينر ومازال ح ناخد فرش دمج الايشادو؛؛
  • فرشه رقم(1) اسمها كابوكي برش تقدري تستخدميها لدمج كريم الاساس او الكونتور يعني تقدري تدمجي بيها اي ميكب يكون قوامه كريمي انا نستخدم فيها لدمج كريم الترطيب والبرايمر بس سعرها (13)دينار ليبي بس فيها عيب بسيط انه شعرها يطيح حاجه بسيطه ولكن بالنسبه لسعرها جودتها كويسه؛؛
  • فرشة رقم(2) اسمها بانانا برش يعني شكلها يجي م قدام مذبب وتقدري تستخدميها لآي ميكب قوامه باودر انا نحط بيها ف الباودر تحت عيني او نحدد بيها الكونتور الباودر في حالة نبيه حاد شوي وتقدري تستخدميها حتي لكونتور الانف لان الفرشه شكلها م قدام طويل طول سعرها (13)دينار ليبي وهادي م شفت فيها عيوب وحتي شعرها ثابت م طاحش لما استخدمتها او لما غسلتها؛؛
  • فرشه رقم(3) اسمها ايلاينر برش تقدري تستخدميها لرسم ايلاينر العين او حتي لرسم الحواجب وبصراحه ممممممتازه جدا انا استغربت م نتيجتها لان شعر الفرشه مكبوس وتقدري ترسمي بيها الايلاينر بسهوله لان في نوعية فرش ايلاينر شعرها يبدا منكوش وم تقدريش ترسمي بيها خط الايلاينر مزبوط سعرها(10) دينار ليبي وحتي هي م شفتش فيها عيوب كانت ممتازه؛؛
  • انا خديتهم م محل بيوتي كوين مقابل جامعة ناصر وعندهم توصيل وهادي صفحتهم ع الفيس
    https://www.facebook.com/beautyqueenmakeup.ly
  • واقترحو عليا اي منتجات تبوني نجربها ونعطيكم رآئي فيها باش نساعدكم ف اختيار منتجاتكم؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Integration by Acurax Social Media Branding Company
error: Content is protected !!