صنع مزيل مكياج بالبيت + [كريم ترطيب للعيون]

 مساء الخيرات بنوتاتي ومداماتي الطرفونات؛؛
 حبيبات قلبي بوست خفيفون صنع مزيل مكياج وكريم عيون ف البيت؛؛

  • المكونات سهله متوفره ومش مكلفه بس فوائدها للبشره رهيبه تعالج التجاعيد والتصبغات والجفاف هي زيت جوزالهند اسمه الحكمه بصراحه النوعيه هادي روووووعه هو عضوي يعني طبيعي وصناعته مغربيه لما تفتحو الحكه تشوفوه جامد ابيض وريحته جوزهند تحسيها ريحه طبيعيه بدون اضافات وسعره ب14 دينار ليبي تقدري تستعمليه ك حمام زيتي لشعرك او حتي لترطيب جسمك متوفر ف اغلب محلات التجميل او العطريات انا للامانه جابتهولي صديقتي مش عارفه اسم المحل بالزبط كبسوله م فيتامين e واي نوع متوفر عندك عادي انا درت كبسوله واحده لانه قوتها 10000+زيت الورد في حالة مش متوفر عندك ديري قطرتين مية ورد باش تخففيه مايكونش ثقيل ع البشره؛؛
  • الطريقه هي تاخدي ملعقه صغيره م زيت جوزالهند مع كبسوله واحده فيتامين e وفي حالة عندك فيتامين eقوته 200او400 تاخدي كبسولتين مع قطرات زيت الورد او مية الورد تخلطيهم مع بعض وتحطيهم ف علبه نظيفه؛؛
  • اما الاستعمال تقدري تمسحي بيه مكياجك سواء الايلاينر او المسكره وخاصةً المكياج الي ضد الميه يمسحه بسهوله بدون م تتعبي بشرتك بتكرارك للمسح؛؛
  • او تستعمليه ك مرطب ليلي للعيون يعني قبل م ترقدي ترطبي بيه تحت عيونك مممممتاز جداً لتقليل التجاعيد وازالة الجفاف وتخفيف الهالات الي سببها الارهاق؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!