صحه غداكم بنوتاتي ومداماتي الطرفونات؛؛
حبيبات قلبي بوست خفيفون ع قناع لعلاج تقصف وهيشان الشعر؛؛
- القناع هذا لعلاج خشونة وتقصف الشعر م الميش والصبايغ ممتاز جداً في حالة استمريتو عليه اسبوعياً ح تشوفو شعركم تغير هلبا ويتعالج م التقضف والهيشان ويعطيكم لمعان رهيب للشعر؛؛
- مكونات القناع تقدرو اديروهم كلهم او تنقصو منه في حالة عدم توفر المكونات كلها لان المكون الرئيسي للقناع هو زبدة الشيا ومتوفره ف اغلب الصيدليات؛؛
- المكونات:زبدة الشيا+زيت جوزالهند+كبسولتين فيتامينe+نص ليمة عصر(ليمون) الطريقه تاخدو كاشيك=ملعقه صغيره م زبدة الشيا وجوزالهند مع كبسولتين فيتامينeفي حالة عندكم زيت فيتامين e تقدري تاخدي منه ملعقه صغير وبعدين تعصري نص ليمونه تسخني كل المكونات باش ادوب مع بعض وتدهني شعرك يكون راسك لتحتك باش يتغلل داخل المسام ويعطي نتيجه افضل وبعدين لفو شعركم بكيسة نايلون و تقدرو تستخدموه م مره لمرتين في الاسبوع تخلوه ع شعركم ساعتين قبل الدوش؛؛
- ملاحظة كبسولات فيتامينe افتحوهم خودو الزيت والكبسولات نفسهم خلوهم ادوبهم مع باقي المكونات؛؛
- في حالة شعرك جاف هلبا استغني ع نص ليمة العصر اما في حالة شعرتك دهنيه تقدري اديري نص ليمة عصر او ملعقه صغيره خل تفاح ممتاز للشعر ولعلاج فروة الشعر م الترسبات والقشره ويعطي لمعه فضيعه للشعر؛؛
وبس برنسيساتي اتمني الافاده للجميع دومتم متآلقات اوهبكم اموووااه..
