تعليم دمج ضلال العين [اجزاء العين]

مساءالخيرات بنوتاتي ومداماتي الطرفونات؛؛

حبيبات قلبي بوست يشرح طرق دمج ضلال العين وتسميات اجزاء العين؛؛

  • ضروري تعرفو مسميات اجزاء العين باش لما تبو اطبقو او تدمجو الضلال ع عيونكم تفهمو اجزاء العين الي هي الصوره رقم (2) توضحلكم انه العين تنقسم ل5اجزاء هي تحت الحاجب وكسرة العين والجفن المتحرك والجفن العلوي والجفن السفلي؛؛
  • اما بالنسبه لطرق دمج الضلال م نبيكم تتقيدو بطريقه معينه وانما نبيكم تتعلموا وتعرفوا جميع تكنيك دمج الايشادو بعدين قررو تستقرو ع تكنيك ناسبكم وريحكم اكثر؛؛
  • طرق دمج الضلال هلبا وحتي الارتست م يتفقوش ع طريقه معينه او محدده وانما كل واحد وتكنيكه في تكنيك تبدي بمكياج عيونك قبل مكياج وجهك وانا شخصياً نتبع فيه التكنيك هذا لان لما تبدي بالعيون قبل خاصةً في حالة بديري لوك ثقيل شوي حتي لو تلبزتي تقدري تمسحيه بمزيل مكياج بسهوله وفي ناس تبدا بوجهها قبل عيونها وتحط لوس باودر الي هي البودره الحره هلبا تحت عيونها باش الي يطيح م الضلال ع وجهك تقدري تنفضيه بالفرشه بسهوله؛؛
  • بالنسبه لتنسيق الوان الضلال وكيف تبدوها في كدا طريقه لدمج الضلال ويعتمد ع شكل العين وللوك الي بديريه شني وم الطرق هادي:
  1. اول طريقه في ارتست يبدو يحطو ضلال ع الجفن المتحرك وبعدين يدمجوه لفوق كسرة العين؛؛
  2. تاني طريقه في ارتست يبدو دمج ضلال م كسرة العين بعدين ينزلو لتحت للجفن المتحرك للعين؛؛
  3. ثالث طريقه في ارتست يبدو يدمجو الالوان الغامقه هي الاول ويبدو يفتحو الالوان بالتدريج؛؛
  4. رابع طريقه في ارتست يبدو بدمج الالوان الفاتحه بعدين يغمقو الدرجات بالتدريج؛؛
  • اهم شي في الضلال هي تاخدو وقتكم ف الدمج كويس كويس باش م يبدا معاك محدد وافضل طريقه انكم تحطو اللون ع عينكم بفرشه وتدمجو للون بفرشه نضيفه تسهل عليكم الدمج هلبا ويطلع متجانس مع بعضه بدون حدود واضحه؛؛
  • بالمختصر الي نبي نفهمه ليكم ضروري تجربو كدا طريقه باش بعدين تعتمدي التكنيك الخاص بيك والي يريحك وم تخليش حد يقولك لا هذا صح وهذا غلط لان احنا مش كلنا نفس الاذواق والمكياج هذا فن وعن نفسي انا نشوفله متعه بصراحه قبل م يكون مجال شغل فلهذا حبيباتي اهم شي الممارسه لان مهما قريتي ومهما تفرجتي م فيديوات لو مرنتي ايدك وخديتي ع الفرشه وع معالم وجهك مستحيل ح تتعلمي او تبدعي ف المكياج اهم شي الممارسه المستمره؛؛
  • وانا ان شاءلله ح نزلكم بوستات كل مره نشرح ع تكنيك او لوك معين سواء سموكي او سبوت لايت او كات كريس او غيره م لوكات الميكب؛؛
  • هذا فيديو صورته للبنات مباشر وشرحت ع دمج الضلال بالتفصيل وطبقت في الفيديو وحتي فيه ركبت رموش كان ميكب كامل لو حابين تستفيدو اكثر تفرجو عليه

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!